Endilikda, chet el fuqarolarini soliq organlarida hisobga qo‘yish uchun soliq inspeksiyalariga borish yoki murojaat yo‘llash talab etilmaydi.
Chet el fuqarosi JShShIR olgandan so‘ng, my.soliq.uz sayti interaktiv xizmatidan foydalanishi mumkin.
“STIR yoki JSHSHIRingizni tekshiring” xizmatiga kiriladi, JSHSHIR hamda himoya kodi kiritilib “Izlash” tugmasi bosiladi.
Tez soniyalarda tizim Davlat personallashtirish markazi ma’lumotlar bazasiga so‘rov yuboradi.
Agar ekranda chet el fuqarosining F.I.Sh paydo bo‘lsa, demak JSHSHIR Davlat personallashtirish markazi ma’lumotlar bazasida mavjud ekanligi tasdiqlanadi va ushbu jismoniy shaxs haqidagi ma'lumotlar shu zahoti Davlat soliq qo‘mitasi ma'lumotlar bazasida shakllanadi, ya'ni chet el fuqarosi davlat soliq organlarida hisobga qo‘yiladi.
JSHSHIR kiritilgandan so‘ng “Davlat personallashtirish markazi ma’lumotlar bazasida ushbu JSHSHIR bo‘yicha ma’lumot mavjud emas” yozuvi ko‘rinsa, ushbu JSHSHIR Davlat personallashtirish markazi ma’lumotlar bazasida mavjud emasligini anglatadi. Ushbu holatda, chet el fuqarosi Ichki ishlar vazirligining hududiy Migratsiya va fuqarolikni rasmiylashtirish bo‘limlariga murojaat qilishlari kerak.