Cолиқ қўмитаси - Солиқ қўмитаси
Солиқ бошқармаси - Солиқ бошқармаси
Солиқ инспекцияси - Cолиқ инспекцияси
ЙСТҲСИ - Йирик солиқ тўловчилар бўйича ҳудудлараро солиқ инспекцияси
Солиқ аудити - бу юқори даражада рискка тушган солиқ тўловчи томонидан солиқ қонунларига риоя этилишини ҳар томонлама ўрганиш ҳисобланиб, солиқларни тўлашдан бўйин товлаш хавфи омилларини таҳлил қилиш асосида танланган солиқ тўловчиларга нисбатан ўтказилади. Танлаб олинган солиқ тўловчиларда солиқ аудити барча солиқ ва йиғимлар бўйича, шунингдек битта ёки бир нечта солиқлар бўйича ўтказилиши мумкин. Солиқ тўловчининг муайян давр учун солиқлар ва йиғимларнинг ҳисобланиши ҳамда тўланишининг тўғрилигини текшириш мақсадида, унинг бухгалтерия, молия, статистика, банк ҳамда бошқа ҳужжатлари ўрганилади ва таққосланади.
Сайёр солиқ текшируви - солиқ тўловчиларнинг солиқлар ва йиғимларни ҳисоблаб чиқариш ҳамда тўлаш соҳасидаги айрим мажбуриятларини, шунингдек, солиқ тўғрисидаги қонун ҳужжатларида белгиланган бошқа мажбуриятларини бажарилишини текширади. Солиқ органлари сайёр солиқ текшируви доирасида солиқ солиш объектларини аниқлаш, хронометраж кузатувларини ўтказиш, назорат-касса техникаси ва ҳисоб-китоб терминаллари қўлланилишини текшириш, солиқ тўловчи ходимларнинг ҳисоботдаги ва ҳақиқий сони мувофиқлиги юзасидан мониторинг ишларини амалга оширади.
Камерал солиқ текшируви - солиқ тўловчи томонидан тақдим этилган солиқ ҳисоботларини ва солиқ тўловчининг фаолияти тўғрисида солиқ органида мавжуд бошқа маълумотларни ўрганиш ва таҳлил қилиш йўли билан солиқ органи томонидан ўтказиладиган текширувидир. Камерал солиқ текшируви Ўзбекистон Республикаси Солиқ кодексининг 88-моддасида белгиланган даъво муддати ўтмаган солиқ даврларига нисбатан ўтказилиши мумкин. Камерал солиқ текшируви солиқ органи жойлашган жойда амалга оширилади, бундан солиқ тўловчининг ҳудуд ва биноларини кўздан кечириш билан боғлиқ ҳолатлар мустасно. Ҳудудларда ўтказилаётган текширувлар солиқ тўловчи томонидан тақдим этилган солиқ ҳисоботларида кўрсатилган кўрсаткичлар ва маълумотлар ҳамда солиқ тўловчининг фаолияти тўғрисида солиқ органида мавжуд бошқа маълумотларнинг ҳаққонийлигини тасдиқлаш учун ўтказилади. Текширувлар солиқ тўловчиларда белгиланган иш режимига асосан ўтказилади ва «Текширувларни рўйхатга олиш китоби» тўлдирилганидан сўнг амалга оширилади. Ушбу тадбир давомида ҳужжатлар ва буюмларни олиб қўйишга йўл қўйилмайди.
