Бухоро солиқ техникуми

Бухоро солиқ коллежи Ўзбекистон Республикаси Вазирлар Маҳкамасининг 2000 йил 13 мартдаги «Давлат солиқ хизмати органлари фаолиятини ташкил этишни такомиллаштириш тўғрисида»ги 87-сон қарорининг бажариш юзасидан ҳамда Давлат солиқ хизматини малакали кадрлар билан таъминлаш мақсадида, Ўзбекистон Республикаси Вазирлар Маҳкамасининг 2000 йил 4 майдаги «Бухоро ва Фарғона шаҳарларида Ўзбекистон Республикаси Давлат солиқ қўмитасининг солиқ коллежларини ташкил этиш тўғрисида»ги 178-сонли қарорига асосан ташкил этилган.

Ўқувчиларни соҳа бўйича пухта, табақалаштирилган ҳолда ўқитиш, уларнинг интеллектуал камол топиши, уларнинг қобилиятлари ва касбларга мойиллигига мувофиқ равишда танлаган мутахассисликларни эгаллашини таъминлаш коллежнинг мақсади ҳисобланади.

 Қуйидагилар коллежнинг вазифалари ҳисобланади:

1) ўқувчиларнинг сифатли касб-ҳунар таълимидан фойдаланишини таъминлаш;

2) шахснинг изчил интеллектуал, маданий ва маънавий-ахлоқий камол топишга бўлган эҳтиёжини қондириш;

3) ёшларни миллий ғояларга садоқат ва ватанпарварлик руҳида тарбиялаш, мустақил дунёқарашга ва фикрлашга эга бўлган маънавий бой ва ҳар томонлама камол топган шахсни шакллантириш;

4) ўқувчиларнинг таълимнинг кейинги босқичларида ўқишни давом эттириши ёки танлаган касб ва ихтисосликка мувофиқ меҳнат фаолияти билан шуғулланиши учун уларнинг юқори даражада сифатли билимлар олишини ва касбий тайёргарлигини таъминлайдиган тармоқ таълим стандартлари доирасида касб-ҳунар дастурларини амалга ошириш;

5) иқтисодиёт тармоқларини, маъмурий-ижтимоий соҳани зарур йўналишдаги касб-ҳунар таълимига эга бўлган, Давлат солиқ хизмати органларига мос, ўз касбига содиқ, кадрлар билан энг юқори даражада таъминлаш.

Тўлиқ номи:            Ўзбекистон Республикаси Давлат солиқ қўмитаси Бухоро солиқ коллежи

Қисқача номи:       БСК;

Тартибга солувчи норматив-ҳуқуқий ҳужжатлар:

• “Давлат солиқ хизмати тўғрисида”ги Ўзбекистон Республикасининг Қонуни ;
• “Таълим тўғрисида”ги Ў збекистон Республикасининг Қонуни;
• “Профессионал таълим тизимини янада такомиллаштиришга доир қўшимча чора-тадбирлар тўғрисида ”ги Ўзбекистон Республикаси Президентининг Фармони;
• Коллежнинг намунавий низоми;