Soliqlar va boshqa majburiy to‘lovlarni to‘lash zaminida davlat bilan soliq to‘lovchi o‘rtasidagi iqtisodiy munosabat yotadi. Ushbu munosabatlarda soliq sohasidagi yangiliklarni, qabul qilingan normativ-huquqiy hujjatlar, ularga kiritilgan o‘zgartirish va qo‘shimchalar to‘g‘risidagi maʼlumot va axborotlarni keng jamoatchilikka o‘z vaqtida va sifatli yetkazish muhim rol o‘ynaydi.
Bunda soliq qonunchiligi va maʼmuriyatchiligi, soliq xizmati organlari faoliyatining shaffofligini taʼminlash orqali soliq to‘lovchilarning soliqlarni to‘lash bo‘yicha o‘z konstitutsiyaviy burchini ixtiyoriy bajarishiga erishish sohada amalga oshirilayotgan islohotlardan ko‘zlangan ustuvor maqsadlardan biridir.
«Soliq xizmati – insofli soliq to‘lovchilarning ishonchli hamkori» shiori ostida davlat soliq xizmati organlarini soliq to‘lovchilarning biznes-hamkori va maslahatchisi, ularga servis xizmatlar ko‘rsatishga yo‘naltirilgan idora sifatidagi yangi imidjini targ‘ib qilish, ommaviy axborot vositalari bilan samarali hamkorlikni yo‘lga qo‘yish, jurnalistlar va blogerlar doirasida tezkor maʼlumotlarni tarqatish Soliq qo‘mitasi Jamoatchilik bilan aloqalar va huquqiy axborot boshqarmasi (Matbuot xizmati)ning asosiy vazifalari hisoblanadi.
Soliq qo‘mitasi Matbuot xizmati tomonidan yuritiladigan rasmiy axborot manbalari:
Veb-sayt - www.soliq.uz
Telegram - http://t.me/soliqnews
Facebook - https://www.fb.com/Soliqpressa/
Youtube - https://www.youtube.com/channel/UCa9OMuj11fI6J7wcocYD6Vg
Instagram - https://www.instagram.com/soliqnews/
Twitter - https://twitter.com/soliqnews
Soliq qo‘mitasi Matbuot xizmati yurtimizdagi barcha ommaviy axborot vositalari bilan yaqin ijodiy hamkorlik qilishga tayyor ekanligini va bu boradagi takliflarni doim qo‘llab-quvvatlashdan mamnunligini izhor etadi!
Bog‘lanish uchun ma'lumotlar
Mas'ul shaxs | FIO | telefon |
Jamoatchilik bilan aloqalar boshqarmasi boshlig‘i | D.Xashimova | 71 244-98-09 |
Umumiy bo‘lim | N.Erkinova | 71 244-98-22 |
Texnik bo‘lim | B.Mamatisayev | 71 244-98-34 |
Elektron aloqa
E-mail: | Pressa@soliq.uz / org@soliq.uz |
Telegram | @DSQ_Pressa |