O‘zbekiston Respublikasi Vazirlar Mahkamasi huzuridagi Soliq qo‘mitasi

Ҳурматли солиқ тўловчилар

06/05/2021

ЭҲФ

Ҳисобварақ-фактураларнинг шакллари ҳамда уларни тўлдириш, тақдим этиш ва қабул қилиш тартиби тўғрисида Низом талабларига кўра:

товарлар тўлиқ ёки қисман қайтарилганда;
кўрсатилган хизматлардан воз кечилганда;
битим шартлари ўзгарганда, шу жумладан, жўнатилган товарларнинг, кўрсатилган хизматларнинг нархи ва (ёки) сони (ҳажми) ўзгарганда;
товарларни (хизматларни) сотувчи томонидан чегирмалар берилганда, етказиб бериш қийматига уни кўпайтиришга (камайтиришга) қаратилган тузатиш киритилган тақдирда, ушбу товарларни (хизматларни) олувчи томонидан тасдиқланадиган қўшимча ҳисобварақ-фактура тузилади (14.08.2020 йил ВМ 489-сонли қарори).

Хатоларни тузатиш натижасида солиқ базаси ўзгарган ва илгари ёзиб берилган ЭҲФга ўзгартиш ва (ёки) қўшимчалар киритиш зарур бўлганда, илгари ёзиб берилган ЭҲФ бекор қилинади ва унинг ўрнига олувчи томонидан тасдиқланадиган тузатилган ҳисобварақ-фактура расмийлаштирилади.

Юқоридагилардан келиб чиқиб, январь ва апрель ойларида манфий сумма билан расмийлаштирган ЭҲФларни Низом талабларига асосан қайта кўриб чиқишлари юзасидан айрим солиқ тўловчиларнинг шахсий кабинетларига хабарнома юборилади.