O‘zbekiston Respublikasi Vazirlar Mahkamasi huzuridagi Soliq qo‘mitasi

Aydar-Arnasoy ko‘llar tizimi boshqaruvini takomillashtirish

10/03/2022

“Aydar-Arnasoy ko‘llar tizimi direksiyasi” davlat unitar korxonasi bilan tuzilgan ijara shartnomalari bekor qilinishi belgilanganligidan kelib chiqib, barcha ijarachilar bilan tuzilgan ijara shartnomalari bekor qilinishi yuzasidan ogohlantiriladi.

Aydar-Arnasoy ko‘llar tizimidan samarali foydalanish, ekologik holatni yaxshilash, aholining baliq va baliq mahsulotlariga bo‘lgan ehtiyojini qondirish, hududda hayvonot va o‘simlik dunyosi muhofazasini kuchaytirish, turizm salohiyatidan tizimli foydalanishni tashkil etish maqsadida, O‘zbekiston Respublikasi Prezidentining “Aydar-Arnasoy ko‘llar tizimi boshqaruvini takomillashtirish chora-tadbirlari to‘g‘risida” 2022-yil 22-fevralda PQ-141-son qarori imzolangan.

Mazkur qarorga asosan, Davlat soliq qo‘mitasi huzuridagi “Aydar-Arnasoy ko‘llar tizimi direksiyasi” davlat unitar korxonasini Suv xo‘jaligi vazirligi muassisligidagi “Aydar-Arnasoy ko‘llar tizimi” mas’uliyati cheklangan jamiyati sifatida qayta tashkil etilishi hamda mazkur jamiyatga baliqchilik tarmog‘ini rivojlantirish uchun Jizzax va Navoiy viloyatlari hududida joylashgan Aydar-Arnasoy ko‘llar tizimi doimiy ravishda tanho foydalanish uchun berilishi belgilandi.

Shuningdek, mazkur qarorga asosan Bosh prokuraturaning Aydar-Arnasoy ko‘llar tizimini rivojlantirish sohasida qonunchilik ijrosi ustidan nazorat boshqarmasi Tabiiy ko‘llarda baliqchilikni rivojlantirish va suv resurslaridan foydalanishga oid qonunchilik ijrosi ustidan nazorat boshqarmasi deb qayta tashkil qilinib, soliq organlarining shtat birliklari hisobidan Jizzax va Navoiy viloyatlari prokuraturalarining tarkibida Aydar-Arnasoy ko‘llar tizimini rivojlantirishda qonunchilik ijrosi ustidan nazorat bo‘limlari tashkil etilmoqda.

Bundan tashqari, qarorga asosan “Aydar-Arnasoy ko‘llar tizimi direksiyasi” davlat unitar korxonasi bilan tuzilgan ijara shartnomalari bekor qilinishi belgilanganligidan kelib chiqib, barcha ijarachilar bilan tuzilgan ijara shartnomalari bekor qilinishi yuzasidan ogohlantiriladi.