Ҳурматли ютуқли чек ўйини ихлосмандлари!
Эртага, 25 март куни 18:00да «O‘zbekiston» телеканалида жонли эфирда ўтказиладиган ютуқли чек ўйинларининг учинчи тиражида учрашамиз.
Диққат қилинг: ютуқли чек ўйинларининг III тиражи учун чекларни рўйхатдан ўтказиш бугун, 24 март (23:59да) куни якунланади.
25 март соат 00:00 дан кейин рўйхатдан ўтказилган чеклар навбатдаги – IV тиражда иштирок этади.
Ютуқли ўйинларда иштирок этувчи чекларда QR-код ва фискал белги (ФБ/ФП) мавжуд бўлади. Бундай чеклар онлайн равишда ишлайдиган назорат-касса машиналаридан берилади.
Яна бир янгилик: Энди ofd.uz сайтида ҳам чекингиз қайси рақам билан рўйхатга олинганини билишингиз мумкин.
Онлайн-НКМдан чек бериш тадбиркорлик фаолиятининг қонунийлигини англатади.
Барча дорихоналар, ёнилғи қуйиш шохобчалари, савдо тармоқлари, алкоголь ва тамаки маҳсулотлари савдо нуқталаридан QR-кодли чекларни талаб қилинг.
Ҳар бир чек қимматбаҳо совға ютиб олиш имконини оширади.
Рўйхатдан ўтказиш усуллари: Soliq, Payme ёки Click мобил иловасида чек QR-кодини сканерлаш ёки 12 сондан иборат фискал белгисини 1077 рақамига SMS-хабар тарзида юбориш.
Сиз пул мукофоти, телевизор, кондиционер, газ плитаси, уяли телефон, санаторийга йўлланма, велосипед ёки супер ютуқ – Chevrolet Spark автомобилини ютиб олишингиз мумкин.
Омадингизни қўлдан бой берманг!