2020 йил 2-3 ноябрь кунлари Давлат солиқ қўмитасининг серверларида профилактика ишлари олиб борилганлиги боис, ушбу муддат давомида онлайн НКМ ва виртуал кассаларнинг айрим чек маълумотлари фискал маълумотлар оператори маълумотлар базасига тўлиқ қабул қилинмасдан қолган.
Айни пайтда тизимдаги бундай носозлик тўлиқ бартараф этилиб, етиб келмаган онлайн-НКМ ва виртуал касса чек маълумотлари, маълумотлар базасига автоматик равишда қайта қабул қилинмоқда.
Онлайн-НКМ ва виртуал кассадан берилган чеклар ҳақидаги маълумотлар ва сизнинг шахсий кабинетингга келиб тушган 📥 чеклар миқдори ўртасида фарқ мавжуд бўлса, фискал маълумотлар операторининг 71 202-32-32 (ички рақам 538, 541, 551, 504) телефон рақамига мурожаат қилишингизни сўраймиз.
ДСҚ Матбуот хизмати