2020-yil 2-3-noyabr kunlari Davlat soliq qo‘mitasining serverlarida profilaktika ishlari olib borilganligi bois, ushbu muddat davomida onlayn NKM va virtual kassalarning ayrim chek ma’lumotlari fiskal ma’lumotlar operatori ma’lumotlar bazasiga to‘liq qabul qilinmasdan qolgan.
Ayni paytda tizimdagi bunday nosozlik to‘liq bartaraf etilib, yetib kelmagan onlayn-NKM va virtual kassa chek ma’lumotlari, ma’lumotlar bazasiga avtomatik ravishda qayta qabul qilinmoqda.
Onlayn NKM va virtual kassadan berilgan cheklar haqidagi ma’lumotlar va sizning shaxsiy kabinetingga kelib tushgan 📥 cheklar miqdori o‘rtasida farq mavjud bo‘lsa, fiskal ma’lumotlar operatorining 71 202-32-32 (ichki raqam 538, 541, 551, 504) telefon raqamiga murojaat qilishingizni so‘raymiz.
DSQ Matbuot xizmati