Ўзбекистон Республикаси Вазирлар Маҳкамаси ҳузуридаги Солиқ қўмитаси

Ҳурматли солиқ тўловчи!

28/02/2020

Ўзбекистон Республикасининг Солиқ кодекси, Ўзбекистон Республикаси Президентининг 2017 йил 15 февралдаги ПҚ-2777-сон Қарори ва 2019 йил 6 сентябрдаги ПФ-5813-сон Фармони, Вазирлар Маҳкамасининг 2002 йил 26 ноябрдаги 407-сон, 2003 йил 13 февралдаги 75-сон, 2011 йил 17 ноябрдаги 306-сон ва 2019 йил 23 ноябрдаги 943-сон қарорлари ижросини таъминлаш бўйича Э С Л А Т М А

Ҳурматли солиқ тўловчи!

Савдо, умумий овқатланиш, хизмат кўрсатиш фаолиятини амалга оширишда қуйидаги қоидаларга риоя қилиш талаб этилади:

– тадбиркорлик субъектининг амалга ошираётган фаолияти давлат рўйхатидан ўтганлик ҳақидаги гувоҳномадаги фаолият турига мос бўлиши, яъни гувоҳномада ёки юридик шахснинг низомида кўрсатилмаган фаолият билан шуғулланмаслиги;

– савдо (хизмат кўрсатиш) объектининг ҳужжатлари қонуний расмийлаштирилганлиги (кадастр ҳужжати, ижара шартнома ва ҳк.);

– назорат-касса техникаси ва тўлов терминали билан жиҳозланиши, ҳар бир харид учун харидорларга назорат-касса техникаси чекининг тақдим этилиши;

– бошқа солиқ тўловчиларга тегишли ёки бошқа манзилда рўйхатга олинган назорат-касса техникаларидан ёки тўлов терминалларидан фойдаланмаслик;

– савдога чиқарилган, омборхонада (бинода) жойлаштирилган товар-моддий бойликларнинг ҳисобварақ-фактуралари орқали кирим қилиниши;

– ҳар бир товарнинг (хизмат) номи, ўлчов бирлиги ва нархи кўрсатилган нархномалари мавжуд бўлиши;

ишловчилар қонунчиликка мувофиқ меҳнат шартномаси асосида ишга олиниши;

– алкоголь, нефт маҳсулотлари, дори воситалари, заргарлик буюмлари ва бошқа алоҳида рухсат гувоҳномаси (лицензия) талаб этиладиган фаолият билан шуғулланганда, рухсат гувоҳномалари мавжуд бўлиши;

– акциз маркасиз, қалбаки алкоголь ва тамаки маҳсулотлари билан савдо қилмаслик ҳамда 20 ёшга тўлмаган фуқароларга сотмаслик.

Мазкур нормаларга риоя қилмаслик, Ўзбекистон Республикасининг Солиқ кодекси ва Маъмурий жавобгарлик тўғрисидаги кодексига мувофиқ жавобгарлик чоралари қўлланилишига сабаб бўлиши мумкин.

Давлат солиқ хизмати органлари инсофли солиқ тўловчиларнинг ишончли ҳамкори!