«2021 йил учун Ўзбекистон Республикасининг Давлат бюджети тўғрисида»ги Ўзбекистон Республикаси Қонуни қабул қилинганлиги муносабати билан «Ўзбекистон Республикасининг айрим қонун ҳужжатларига ўзгартиш ва қўшимчалар киритиш ҳақида»ги ЎРҚ-659-сонли Қонунига мувофиқ янги тартиб ўрнатилди. Унга кўра, қишлоқ хўжалиги учун мўлжалланмаган ерлар учун юридик шахслардан олинадиган ер солиғи бўйича солиқ ставкаларининг аниқ миқдорини белгилаш Қорақалпоғистон Республикаси Жўқорғи Кенгеси ва халқ депутатлари Кенгашлари томонидан амалга оширилади.
Янги тартиб доирасида, кейинги солиқ даври учун аниқ белгиланган солиқ ставкалари ҳар йили жорий солиқ даврининг 31 декбригача халқ депутатлари Кенгашлари томонидан ер участкаси жойлашган жойдаги ҳудудий солиқ органларига тақдим этилади.
Ўз навбатида, солиқ органлари беш кун ичида солиқ тўловчиларга белгиланган солиқ ставкалари бўйича хабар беради.
Юқоридаги Қонун 2020 йил 30 декабрда қабул қилинганлиги ва Қорақалпоғистон Республикаси Жўқорғи Кенгеси ва халқ депутатлари Кенгашлари томонидан 2021 йил учун қишлоқ хўжалигига мўлжалланмаган ерлар учун юридик шахслардан олинадиган ер солиғи ставкаларининг аниқ миқдорини белгилаш жараёни якуний босқичидалигини ҳисобга олган ҳолда истисно тариқасида:
- 2021 йилда юридик шахслардан қишлоқ хўжалигига мўлжалланмаган ерлар учун олинадиган ер солиғи бўйича солиқ ҳисоботларини тақдим этиш муддати 5 кунга узайтирилади;
- 2021 йилнинг январь ойи ва биринчи чораги учун қишлоқ хўжалигига мўлжалланмаган ерлар учун юридик шахслардан олинадиган ер солиғини тўлаш жорий йилнинг 15 январигача амалга оширилади;
- 2021 йил учун қишлоқ хўжалигига мўлжалланмаган ерлар учун юридик шахслардан олинадиган ер солиғи ставкалари солиқ тўловчиларга жорий йил 10 январга қадар етказилади.
2021 йил учун қишлоқ хўжалигига мўлжалланмаган ерлар учун юридик шахслардан олинадиган ер солиғи бўйича 2021 йил 15 январгача солиқ ҳисоботларини тақдим этган ва тегишли солиқ суммаларини тўлаган солиқ тўловчиларга нисбатан жавобгарлик қўлланилмайди.