Молиявий ҳисобот шакллари Молия вазирлигининг 2003 йил 24 январдаги 140-сон буйруғи билан тасдиқланиб, Адлия вазирлигида 1209-сон билан рўйхатга олинган.
ДСҚ томонидан ўтказилган таҳлилларга кўра, 95 фоиз солиқ тўловчи 2019 йил ва 2020 йил I чорак учун молиявий ҳисоботларни “минг сўм” ўлчов бирлигида тўғри тўлдиришган, қолган 5 фоизи хатога йўл қўйган.
Тафовутларнинг олдини олиш учун 2020 йил 6 июнда ДСҚ Юридик шахсларни солиққа тортиш бошқармаси томонидан тақдим этилган қўлланма my.soliq.uz порталига жойлаштирилган бўлиб, унда ҳисобот шаклларини тўлдиришда нималарга эътибор қаратилиши зарурлиги кўрсатилган.
Шу муносабат билан, Давлат солиқ қўмитаси молиявий ҳисоботларни тўлдиришда солиқ тўловчилар қўлланмага қатъий риоя қилиши ва ушбу формада кўрсатилган ўлчов бирликлари бўйича, яъни “минг сўм”да тўлдириши зарурлигини таъкидлайди.
ДСҚ Матбуот хизмати