2023-yil 20-yanvar
- boʻnak toʻlovlar miqdorini hisoblab chiqarish uchun hisoblangan joriy yil uchun mol-mulk soliq summasi toʻgʻrisidagi maʼlumotnomani taqdim etishning oxirgi kuni
(Soliq kodeksi 417-modda 5-qism);
- qishloq xoʻjaligiga moʻljallanmagan yerlar boʻyicha 1-yanvar holatiga hisoblab chiqarilgan yer soligʻi hisobotini taqdim etishning oxirgi kuni
(Soliq kodeksi 431-modda 1-qism);
- soliq solish obyekti hisoblanmaydigan, yuridik shaxsda mavjud boʻlgan yer uchastkalari toʻgʻrisida Soliq qoʻmitasi tomonidan tasdiqlangan shakldagi maʼlumotnomani taqdim etishning oxirgi kuni
(Soliq kodeksi 431-modda 5-qism);
- AOS toʻlovchi boʻlmagan soliq toʻlovchilar tomonidan qishloq xoʻjaligi uchun moʻljallanmagan yerlar boʻyicha yer soligʻi yillik summasining 1/12 qismi miqdorida toʻlashning oxirgi kuni
(Soliq kodeksi 432-modda 1-qism);
- Oʻzbekistonda faoliyatini doimiy muassasalar orqali amalga oshirayotgan Oʻzbekistonning norezidentlari boʻlgan yuridik shaxslar suv resurslaridan foydalanganlik uchun soliq hisobotini yetkazishning oxirgi kuni
(Soliq kodeksi 447-modda 3-qism);
- suv resurslaridan foydalanganlik uchun soliq boʻyicha boʻnak toʻlovlar miqdorini hisoblab chiqarish uchun soliq toʻlovchilar moʻljallanayotgan soliq bazasidan (foydalaniladigan suv hajmidan) va belgilangan soliq stavkalaridan kelib chiqqan holda hisoblangan joriy yil uchun soliq summasi toʻgʻrisidagi maʼlumotnomani taqdimning etish oxirgi kuni
(Soliq kodeksi 448-modda 2-qism);
- soliq davrida suv resurslaridan foydalanganlik uchun soliq summasi BHMning 200 baravaridan koʻproqni tashkil etadigan yuridik shaxslar tomonidan (AOS toʻlovchilar bundan mustasno) yillik soliq summasining 1/12 qismi miqdorida toʻlashning oxirgi kuni
(Soliq kodeksi 448-modda 3-qism);
- QQS hisobotini taqdim etish va soliqni toʻlashning oxirgi kuni
(Soliq kodeksi 273-modda 1-va 2-qismlar);
- yer qaʼridan foydalanganlik uchun soliqning hisob-kitobini taqdim etish va toʻlashning oxirgi kuni
(Soliq kodeksi 454-modda 3- va 4-qismlar);
- agar dekabr oyida dividendlar va foizlar hisoblangan boʻlsa, dividendlar va foizlardan olinadigan soliq summasi boʻyicha soliq hisobotini taqdim etishning oxirgi kuni
(Soliq kodeksi 345-modda 5-qism);
- norezidentlarning daromadlaridan olinadigan soliq summalari boʻyicha soliq hisobotini soliq agenti tomonidan taqdim etishning oxirgi kuni
(Soliq kodeksi 355-modda 1-qism).