Hurmatli matbuot va ommaviy axborot vositalari xodimlari, Sizlarni bugungi kasb bayramingiz bilan samimiy muborakbod etaman.
Doimo yangilikka intilib yashaydigan, muhim o‘zgarishlar, ustuvor g‘oya va tashabbuslarning maʼno-mohiyatini odamlarga tezkorlik va xolislik bilan yetkazadigan, hayotning qaynoq nuqtalariga dadil kirib boradigan Siz, azizlarga chuqur minnatdorlik bildiraman.
Darhaqiqat, Yangi O‘zbekistonni barpo etishga qaratilgan islohotlarni keng ommaga yetkazishda matbuot nashrlari, tele-radio kanallar, nashriyot va matbaa korxonalari, Internet saytlarida vazifasini sidqidildan ado etayotgan zahmatkash jurnalist va blogerlarning mehnati salmoqli bo‘lmoqda.
Aminmanki, xolislik va haqqoniylik prinsipi, qonunchilikka qatʼiy rioya etish, davlat organlari va barcha soliq to‘lovchilarning shaʼni va qadr-qimmati, huquqlarini hurmat qilish, yuksak professional mahorat sizlar uchun doimo asosiy faoliyat mezoni bo‘lib qoladi.
Muhtaram ommaviy axborot vositalari xodimlari, Sizlarni 27-iyun – Matbuot va ommaviy axborot vositalari xodimlari kuni bilan yana bir bor tabriklab, barchangizga sihat-salomatlik, baxt-saodat, xonadonlaringizga tinchlik-xotirjamlik, fayzu baraka tilayman.
Sherzod Kudbiyev,
O‘zbekiston Respublikasi Davlat soliq qo‘mitasi Raisi