2020
йил 6 январь куни Ўзбекистон Республикасининг "Давлат божи тўғрисида"ги ЎРҚ-600
сон Қонуни қабул қилинди.
Ушбу Қонуннинг мақсади давлат божини
белгилаш, ундириш, қайтариш ва уни тўлашдан озод қилиш соҳасидаги
муносабатларни тартибга солишдан иборат.
Давлат
божи - юридик
аҳамиятли ҳаракатларни амалга оширганлик ва (ёки) бундай ҳаракатлар учун
ваколатли шахслар томонидан ҳужжатлар берганлик учун ундириладиган мажбурий
тўловдир.
Мазкур қонун давлат божларини ундиришни тартибга
солувчи 38 та норматив-ҳуқуқий ҳужжатларни ўзида бирлаштирган. Таъкидлаш
жоиз, ушбу Қонун лойиҳасини тайёрлашда хориж тажрибалари ҳам атрофлича
ўрганилган.
Қонунда концерт-томоша фаолиятини амалга ошириш
ҳуқуқи ҳамда фаолиятнинг айрим турларини амалга оширишга лицензия ва рухсатнома
берганлик учун давлат божи ундирилиши ҳам кўзда тутилган.
Шунингдек, Давлатимиз раҳбарининг 2017 йил 2
сентябрдаги “Валюта сиёсатини либераллаштириш бўйича биринчи навбатдаги
чора-тадбирлар тўғрисида”ги Фармонида Ўзбекистон Республикаси ҳудудида давлат
божлари, йиғимлари ва бошқа мажбурий тўловлар фақат миллий валютада ундирилиши
белгиланган. Консуллик йиғимлари эса бундан мустасно.
Бундан ташқари Қонунда ставкалар пасайтирилиши ҳам
кўзда тутилган. Эслатиб ўтамиз, ҳукуматнинг
алоҳида қарорларини қабул қилиш йўли билан ставкалар миқдори асоссиз
оширилишининг олди олинади.
Давлат божининг аниқ миқдорлари қонун даражасида
белгиланиши мамлакатнинг инвестициявий жозибадорлигини оширади.