Soliq to‘lovchilarni QQS to‘lovchisi sifatida maxsus ro‘yxatdan o‘tkazish tartibida (AV. 02.05.2020 y., № 3232):
- soliq to‘lovchilar maxsus ro‘yxatdan majburiy va ixtiyoriy tartibda, ular tomonidan taqdim etiladigan ariza asosida ro‘yxatdan o‘tkazilishi;
- arizada maxsus ro‘yxatdan o‘tish mezonlaridan tashqari soliq to‘lovchining davlat ro‘yxatidan o‘tkazilgan manzilining ko‘rsatilishi ham lozimligi belgilangan.
Soliq to‘lovchilarni maxsus ro‘yxatdan o‘tkazish jarayonida soliq to‘lovchining davlat ro‘yxatidan o‘tkazilgan manzilda bo‘lmaslik yoki manzili “Manzil-ma’lumot byurosi”ning bazasida mavjud emasligi, shuningdek manzili nominal joylashgan joy manzili bilan bir xil bo‘lgan holatlar soliq organlari tomonidan o‘rganib boriladi.
Xususan, joriy yilda o‘tkazilgan 3 916 ta o‘rganish natijasida 125 ta tashkilot yuridik manzilida joylashmaganligi aniqlanib, shundan 23 tasining maxsus ro‘yxatdan o‘tkazilganligi to‘g‘risidagi guvohnomasi bekor qilingan.
Misol uchun: Namangan viloyatida soliq to’lovchi sifatida ro‘yxatdan o’tgan “VTA” korxonasining yuridik manzili Namangan viloyati, Mingbuloq tumani, Mustaqillik MFY, Ozodlik ko‘chasi, raqamsiz uy ko‘rsatilgan, biroq soliq organlari tomonidan 2021-yilning 25-mart kuni o‘kazilgan o‘rganish natijasida jamiyat ushbu manzilda mavjud emasligi ma’lum bo‘lgan. Natijada 2021-yilning 30-mart kuni jamiyatning QQS to’lovchi sifatida maxsus ro‘yxatdan o‘tkazilganligi to‘g‘risidagi guvohnomasi bekor qilingan.