Joriy yil 8-avgust kuni qabul qilingan O‘zbekiston Respublikasining “Davlat fuqarolik xizmati to‘g‘risida”gi O‘RQ-788-son Qonuni davlat fuqarolik xizmati sohasidagi munosabatlarni tartibga soluvchi muhim hujjat bo‘ldi.
Mazkur Qonun davlat xizmatchilarining jamiyatdagi mavqeyini oshirishga qaratilgan davlat xizmati institutining huquqiy asosini yaratadi.
Qonun ilg‘or jahon tajribasi asosida, davlat boshqaruvi sohasida milliy tajribaga asoslangan keng ko‘lamli mutaxassislarning tomonidan ishlab chiqildi.
Joriy yilning 16-avgust kuni davlat soliq xizmati organlari xodimlari uchun “Davlat fuqarolik xizmati to‘g‘risida”gi Qonun mazmun-mohiyatiga bag‘ishlangan seminar o‘tkazildi.
Unda mazkur Qonunni ishlab chiqishda bevosita ishtirok etgan mutaxassislar O‘zbekiston Respublikasi Prezidenti huzuridagi Davlat xizmatini rivojlantirish agentligi boshqarma boshlig‘i Abbos Akramov va department mudiri o‘rinbosari Shuxrat Mamajonovlar Qonunda nazarda turilgan normalar haqida batafsil tushunchalar berdi.
Qizg‘in savol-javoblarga boy bo‘lgan seminarda davlat soliq xizmati organlari xodimlari tomonidan Qonunga yangi normalar kiritish bo‘yicha takliflar ham berildi.