Davlat soliq qo‘mitasiga yuridik va jismoniy shaxslardan 2022-yilning o‘tgan davrida tushgan murojaatlar va ularning ko‘rib chiqlishi natijalari to‘g‘risida MAʼLUMOT
Joriy yilning 1 avgust holatiga jami 43 226 ta murojaat ro‘yxatga olingan bo‘lib, ularning 20 301 tasi O‘zbekiston Respublikasi Prezidentning Virtual va Xalq qabulxonalari, 137 tasi O‘zbekiston Respublikasi Bosh vazirining Tadbirkorlar murojaatlarini ko‘rib chiqish qabulxonalari, 317 tasi Bosh prokuratura “Ishonch telefoni”, 1 705 tasi qo‘mita “Ishonch telefoni” orqali va 20 766 tasi bevosita kelib tushgan.
Tushgan murojaatlarning 13 051 tasi qanoatlantirilgan, 26 739 tasi huquqiy maʼlumot va tushuntirish berish orqali hal etilgan, 72 tasi qonun talablariga muvofiq bo‘lmaganligi uchun ko‘rmasdan qoldirilgan, 743 tasida keltirilgan holatlar o‘rganish jarayonida o‘z tasdig‘ini topmagan, 245 tasi tegishliligi bo‘yicha boshqa vazirlik va idoralarga yuborilgan bo‘lsa, hisobot davrida 2 376 tasi ko‘rib chiqish jarayoni (nazorat)da bo‘lgan.