Mamlakatimizda ma’naviy qadriyatlar, xususan, tilimizga befarq munosabatda bo‘lmaslik, uning sofligini saqlash borasida jadal islohotlar amalga oshirilmoqda.
Bu jarayonda Davlat soliq qo‘mitasi ham faollik ko‘rsatib, davlat tili va ma’naviyat masalalariga alohida e’tibor qaratib kelmoqda. Jumladan, O‘zbek tili bayrami kuni munosabati bilan qo‘mitada o‘tkazilgan ma’naviyat soatlarida davlat tilining nufuzi va mavqeyini oshirishdagi dolzarb masalalar atroflicha muhokama qilindi.
Tadbirda O‘zbekistonda xizmat ko‘rsatgan madaniyat xodimi, Yozuvchilar uyushmasi a’zosi, shoir Bobur Bobomurod tilning inson hayotidagi o‘rni, tarixiy ahamiyati, respublika siyosiy hayotida va adabiyoti taraqqiyotida tutgan o‘rni xususida mulohaza yuritdi.
Shuningdek, so‘z ustasi Botir Imomxo‘jayev o‘z chiqishlari bilan yig‘ilganlarga yaxshi kayfiyat ulashdi. Til bayrami doirasida tashkil etilgan musiqiy chiqishlar ham qo‘mita xodimlariga manzur bo‘ldi.