Davlat soliq qo‘mitasi xodimlari xayrli tadbirda ishtirok etishdi. Tizimda mehnat qilayotgan ko‘ngillilarning tashabbuslarini birlashtirgan holda “Onkogematologik kasalliklarni birgalikda yengamiz!” shiori ostida “Donorlik – o‘zimga ham, o‘zgaga ham foyda” nomli ezgulik aksiyasi tashkil etildi.
Qo‘mitaning 50 nafarga va Yirik soliq to‘lovchilar bo‘yicha hududlararo davlat soliq inspeksiyasining bir guruh ko‘ngilli xodimlari ixtiyoriy ravishda mazkur aksiyada bevosita ishtirok etishdi. Bunda asosiy eʼtibor onkologik xastaliklardan aziyat chekayotgan bolalarni har tomonlama qo‘llab-quvvatlashga qaratildi.
Ixtiyoriylikka asoslangan donorlik nafaqat qon oluvchi, balki qon beruvchining salomatligi uchun ham muhim ahamiyat kasb etadi. Jumladan, donorlik infarkt va boshqa yurak-qon tomir kasalliklari kelib chiqishi xavfini bir necha bor kamaytirishi isbotlangan.
Davlat soliq xizmati organlarida jadal davom etayotgan ushbu xayrli aksiya onkogematologik kasalliklarga qarshi kurashayotgan bemor yurtdoshlarimizga biroz bo‘lsa-da ko‘mak bo‘lishiga ishonamiz.
Yirik soliq to‘lovchilar bo‘yicha hududlararo davlat soliq inspeksiyasi