ДСҚ раиси Ш.Кудбиевнинг топшириғига асосан, Ўзбекистон Республикаси Давлат солиқ қўмитаси раиси маслаҳатчиси А.Элмурадов бошчилигидаги делегация ишчи ташриф билан Россия Федерациясида бўлиб турибди.
Асосий мақсад-солиқ маъмуриятчилигини рақамлаштиришда Россия тажрибасини ўрганишдир.
Ташриф дастури Россия Федерал солиқ хизмати раҳбари билан учрашув, қўшилган қиймат солиғи маъмуриятчилиги ҳамда товарларни кузатиш тизимларини амалиётда қўллаш, шунингдек, Онлайн назорат-касса техникаларидан фойдаланиш ва фуқароларнинг ўзини ўзи банд қилиш платформасини ўрганишни ўз ичига олади.
Апрель ойида Тошкент шаҳрида Ўзбекистон Республикаси ва Россия Федерацияси ўртасида имзоланган битим доирасида жорий йилнинг охирига қадар ҚҚС ва электрон ҳисобварақ-фактуралар ҳисобини юритиш орқали чакана савдо тармоқларида товар айланмасини назорат қилишнинг замонавий технологияларидан фойдаланиш тизимларини жорий этиш режалаштирилган.