2020 yil 1
yanvardan boshlab Oʼzbekistonda barcha soliq toʼlovchilarni elektron
hisobvaraq-fakturalarga oʼtkazish majburiy tartibda joriy etilmoqda. EHFning
joriy etilishi munosabati bilan eng koʼp yoʼllanayotgan savollarga javoblarni
taqdim etamiz.
- Elektron hisobvaraq-faktura xizmatlarini koʼrsatish
yuzasidan shartnoma boʼyicha qaerga murojaat qilish kerak?
- EHFni qayta
ishlash va saqlash faoliyati bilan shugʼullanish huquqiga ega boʼlgan
operatorga shartnoma imzolash boʼyicha murojaat etish mumkin. Operatorlar
roʼyxati www.soliq.uz yoki www.rouming.uz saytida joylashtirilgan.
EHF operatori
dasturiy mahsulotidan foydalanish boʼyicha savollarga javoblarni batafsil
oʼzingiz tanlagan operator call-markazidan olishingiz mumkin.
Shu bilan
birga, maʼlumotlarni rouming operatoriga 71-202-32-32 telefon raqami orqali
bogʼlanib ham olish mumkin.
- EHF berilgan sana sifatida operatorga taqdim
etilgan kun olinadimi yoki tovarlar va xizmatlar xaridoridan tasdiqnoma olingan
sanami?
- Tovarlar
realizatsiyasi boʼyicha aylanma oʼtkazilgan sana sifatida yetkazib beruvchi
tomonidan taqdim etilgan hisobvaraq-faktura sanasi yoki tovarlarni joʼnatish
sanasi hisobga olinadi. Shu bois ushbu sana EHFni kontragentga berilgan kun
sifatida qabul qilinadi.
- Xaridor ayrim sabablarga koʼra tovarlarni qisman
yoki toʼliq rad qiladi. EHF saytga kiritib qoʼyilgan hollarda nima qilish
kerak?
- Xaridor
elektron hujjatni imzolamagan boʼlsa, tizimda EHF oʼchirish va tahrirlash
imkoniyati mavjud.
- Yuklarni yetkazib berishda haydovchiga qaysi hujjat
toʼldirib beriladi?
- Hujjatlarni
elektron aylanish tizimida yaratilgan tovar-transport yukxatini elektron yoki
qogʼoz shaklida berish mumkin. Tovar-transport yukxati Аdliya vazirligida 2004
yil 2 iyulь kuni 1382-son bilan roʼyxatdan oʼtkazilgan yoʼriqnomaga muvofiq
toʼldiriladi.
Mavzuga doir
yana boshqa savollarga javoblar bilan https://rouming.uz/uz/faq
havolasi orqali tanishish mumkin.
DSQ Matbuot xizmati