Prezidentimizning topshirigʼi asosida davlat idoralarining bevosita birinchi rahbarlari eng ogʼir, chekka, olis hududlarga chiqqan holda xalq bilan yuzma-yuz uchrashib, ularni qiynayotgan muammolarga yechim topishda yaqindan koʼmak bermoqdalar.
Oʼzbekiston Respublikasi Davlat soliq qoʼmitasi raisi Behzod Musaev tomonidan Buxoro viloyatining Buxoro tumani “Yangiturmush” mahalla fuqarolar yigʼinida fuqarolarning muammolarini oʼrganish va amaliy yordam koʼrsatish yuzasidan sayyor qabul oʼtkazildi.
Fuqarolarga qoʼshicha qulayliklar yaratish maqsadida
sayyor qabul oʼtkazilayotgan maskanda arzonlashtirilgan oziq-ovqat mahsulotlari
savdo yarmarkasi ham tashkil etildi.
– Hukumatimizga rahmat deydi, – keksa otaxon Аkbar
Shodiev. – Keyingi yillarda rahbarlar xalqqa yaqinlashib, ularning muammolarini
hal etishga yaqindan yordam bermoqdalar. Qishlogʼimizda tashkil etilgan sayyor
qabul jarayonida aholiga qulayliklar yaratish maqsadida tashkil etilgan
oziq-ovqat yarmarkasi ham koʼpchilikni quvontirdi. Bu yerda biz un, yogʼ,
shakar, tuxum, goʼsht kabi roʼzgʼor uchun kerakli mahsulotlarni bozordagidan
ancha arzon narxlarda xarid qildik.
Uchrashuvda hududdagi barcha qishloqlardan kelgan 100 dan ortiq fuqarolar turli masalalardagi murojaatlari bilan ishtirok etishdi.
Аyni paytda Buxoro tumanidagi “Yangiturmush” mahalla
fuqarolar yigʼinida 1100 dan ortiq xonadonlarda 5900 ga yaqin aholi yashaydi.
Fuqarolarning yashash tarzi nisbatan yaxshi. Аmmo yashirishning keragi yoʼq,
keyingi 20 yildan ortiq vaqt mobaynida qishloq aholisining dardi-tashvishlariga
eʼtiborsizlik bilan qarash oqibatida bu yerda yoʼllarni taʼmirlash, tabiiy gaz
taʼminoti va elektr energiyasi bilan bogʼliq masalalar aholining eng ogʼriqli
muammolariga aylangan.
Sayyor qabulda koʼpchilik aholi Davlat soliq qoʼmitasi raisidan ichki yoʼllarni taʼmirlash, tez-tez oʼchib turadigan elektr taʼminotini yaxshilash va xonadonlarni gaz tarmogʼiga ulash yuzasidan murojaat qildi.
Quvonarlisi, ularning murojaati eʼtiborsiz qolmadi.
Hududga shagʼal ortilgan mashinalar, yangi transformator hamda ehtiyojmand
oilalarga gaz va koʼmir mahsulotlari yetkazildi.
Bir soʼz bilan aytganda sayyor qabul davomida
fuqarolardan 57 ta murojaat kelib tushdi. Ularning 38 tasi joyida hal etildi.
Qolgan 18 ta murojaatlar ijrosi yuzasidan aniq muddatlar belgilanib, nazoratga
olindi. Аyrim murojaatlar yuzasidan tushuntirish berildi.
Xususan, Yangi turmush mahalla fuqarolar yigʼini
hududidagi Desoʼxta (jami 1300 metr), Qarajeri (1 300 metr), Beshariq (400
metr), Ipakchi (300 metr), Qayragʼoch (400 metr) hamda Turkon (300 metr)
qishloqlaridagi jami 4 kilometrlik ichki yoʼllarga shagʼal tosh toʼkilib, tekislandi.
Mazkur qishloqda 100 ta xonadonni elektr toki bilan
taʼminlaydigan 10 000 voltlik yangi transformator oʼrnatildi.
30 ortiq fuqaroning balonlariga boʼlgan talabi
qanoatlantirilib, ularning xonadonlariga suyultirilgan gaz balonlari yetkazib
berildi.
5 nafar nogironligi bor shaxslarga nogironlik
aravachalari tarqatildi.
2 nafar fuqaroga davolanish uchun imtiyozli order
berildi.
6 nafar ishsiz fuqaroning doimiy ish bilan bandligi
taʼminlandi.
Xulosa oʼrnida taʼkidlash joizki, mamlakatimizda
Prezidentimiz boshchiligida olib borilayotgan islohotlardan koʼzlangan asosiy
maqsad xalqni rozi qilishga qaratilgan. Shunday ekan bu borada joylarda
oʼtkazilayotgan ochiq muloqot va sayyor qabullarning samarasi ham katta
boʼlmoqda.
Buxoro
viloyati davlat soliq boshqarmasi Matbuot xizmati