Жорий йилнинг 28 апрель куни мамлакатимиз Президентининг «2021 йилда янги иш ўринларини ташкил этиш ва аҳоли бандлигига кўмаклашиш бўйича давлат дастури тўғрисида»ги ПҚ-5094-сон қарори қабул қилинди.
Қарорда давлат солиқ хизмати органларига ҳамкор вазирлик ва идоралар билан биргаликда юридик шахс ташкил этмаган ҳолда якка тартибдаги тадбиркорликни, шу жумладан ҳунармандчиликни ривожлантириш ҳисобига янги иш ўринларини ташкил этиш вазифаси топширилган.
Белгиланган вазифалар ижросини таъминлашда ёшлар, хотин-қизлар ва меҳнат бозорига илк бор кириб келаётган битирувчилар бандлигини таъминлашга алоҳида эътибор қаратилмоқда.
Жумладан, давлат солиқ хизмати органлари томонидан амалга оширилган ишлар натижасида жорий йилнинг 1 июнь ҳолатига янги ташкил этилган якка тартибдаги тадбиркорар ҳисобига 42 515 та янги иш ўрни ташкил этилди.
ЯТТ ташкил этган ҳолда янги иш ўринлари яратиш кўрсаткичи Фарғона (4 692 та), Тошкент (4 251 та) ва Самарқанд (4 184 та) вилоятларида бошқа ҳудудларга нисбатан юқорироқ.
Сирдарё (1 226 та), Жиззах (1 957 та) ҳамда Навоий вилоятларида (1 191 та) эса пастроқ кўрсаткич қайд этилган.
Яратилган янги иш ўринлари соҳалар кесимида:
– чакана савдо фаолияти бўйича – 15 990 (37,6%);
– ҳунармандчилик фаолияти бўйича – 5 747 (13,5%);
– маиший хизмат кўрсатиш фаолияти бўйича – 5 095 (12%);
– бошқа фаолият турлари бўйича – 15 683 (36,9%).
ДСҚ Матбуот хизмати