O‘zbekiston Respublikasi Vazirlar Mahkamasi huzuridagi Soliq qo‘mitasi

«Mahallabay» ishlash tizimi amalda

05/02/2021

Yunusobod tumanini yanada rivojlantirish va aholi turmush sharoitini yaxshilash bo‘yicha «Mahallabay» ishlash tizimini joriy etish yuzasidan Davlat soliq qo‘mitasi raisi rahbarligida ishchi guruhi tuzildi.

Yanvar oyidan boshlab tuman hokimligida DSQ raisining maxsus shtabi tashkil etildi. Dastlab, ishchi guruh tumandagi mavjud 63 ta mahallani sektorlar kesimida 25 ta okruglarga taqsimlab, har bir okrugga hokimiyat tizimidagi tegishli tashkilot rahbarlaridan mas’ul okrug rahbarlari biriktirildi

Tumanda amalga oshirilishi lozim bo‘lgan dolzarb 5 ta ustuvor yo‘nalish belgilab olinib, o‘rganishlar tashkil qilindi. Xususan quyidagi yo‘nalishlar bo‘yicha keng ko‘lamli ishlar amalga oshirilmoqda:

– mahallalarda uyma-uy yurish orqali o‘tkazilgan o‘rganishlar davomida aniqlangan ijtimoiy-iqtisodiy muammolar bo‘yicha olib borilgan ishlar. Nafaqa to‘lash va ijtimoiy himoyaga muhtoj aholiga moddiy yordam ko‘rsatish, dispanser ro‘yxatiga olingan bemorlarga yordam berish shular jumlasiga kiradi («D-xisob»);

– Bandlikka ko‘maklashish markazi va davlat soliq xizmati organlari tomonidan 1+1» tamoyili asosida amalga oshirilgan ishlar.

– xodimlar tomonidan «Soliqchi – tadbirkorga ko‘makchi» tamoyili, «Har bir oila – tadbirkor» dasturi bo‘yicha o‘tkazilgan o‘rganishlarda aniqlangan muammolar asosida tadbirkorlik faoliyatini yanada takomillashtirish;

– bo‘sh turgan yer uchastkalarini aniqlash, yerto‘lalarni o‘rganish bo‘yicha kadastr xizmati tomonidan olib borilgan ishlar;

– ijtimoiy soha ob’ektlari buyicha (MTT, umumta’lim maktablari) amalga oshirilgan ishlar.

Yunusobod tumanida har bir mahallalar bo‘yicha aniq sohalarda mavjud kamchiliklarni aniqlash, hududlarni obodonlashtirish, uyma-uy yurib aholining muammolarini tizimli ravishda hal etish Ishchi guruhning asosiy vazifalariga kiradi.

Yuqoridagi barcha yo‘nalishlar bo‘yicha ishlar davom ettirilmoqda.

DSQ Matbuot xizmati