- soliq to‘lovchining faoliyat turiga bog‘liq holda zarur ishlab chiqarish, savdo, ombor binolari va hududlari, shuningdek, boshqa zarur moddiy-texnika bazasi bilan taʼminlanmaganlik;

- 1 mlrd so‘m oshgan miqdorda tovar-moddiy boyliklar qoldig‘iga ega bo‘lganligi mezonlarida sariq belgi paydo bo‘lishi nimani anglatadi?

Vazirlar Mahkamasining 595-sonli qaroriga (https://lex.uz/docs/-5650010#-5658913) muvofiq, soliq to‘lovchilarni QQS to‘lovchi sifatida maxsus ro‘yxatdan o‘tkazishda ularning faoliyati avtomatlashtirilgan tizim orqali tahlil qilinib, soliq xavfining past, o‘rta va yuqori darajalariga ajratish belgilangan.

Unga ko‘ra ushbu mezonlar soliq xavfining o‘rta darajasi hisoblanadi.

- Soliq to‘lovchining faoliyat turiga bog‘liq holda zarur ishlab chiqarish, savdo, ombor binolari va hududlari, shuningdek, boshqa zarur moddiy-texnika bazasi bilan taʼminlanmaganlik mezonida 

soliq to‘lovchining faoliyat turidan kelib chiqib zaruriy asosiy vositalar, ombor va mahsulot saqlash xonalari, bino inshootlar bilan taʼminlanganlik holati o‘rganiladi hamda tegishli xulosalar rasmiylashtiriladi. Bunda soliq to‘lovchi faoliyat turiga mos ravishda zaruriy asosiy vositalar bilan taʼminlanmagan deb topilsa, soliq to‘lovchi soliq xavfining o‘rta darajasi guruhiga kiritiladi.

- 1 mlrd so‘mdan oshgan miqdorda tovar-moddiy boyliklar qoldig‘iga ega bo‘lganligi mezoni 

soliq to‘lovchi QQS to‘lovchi sifatida maxsus ro‘yxatdan o‘tish uchun ariza taqdim etganda o‘rganiladi. Bunda ariza taqdim etilgan paytda 1 mlrd so‘mdan ortiq tovar moddiy zahiralariga ega soliq to‘lovchilar soliq xavfining o‘rta darajasiga ega deb baholanadi.

Soliq xavfi o‘rta darajada bo‘lgan soliq to‘lovchilar:

- keyingi keladigan 12 oy ichida soliq nazoratining tekshiruv tadbirlarini o‘tkazish sharti bilan maxsus ro‘yxatdan o‘tkaziladi.

- mavjud QQS guvohnomalari to‘xtatilmaydi.