Xalqimiz bilan muloqot qilish, ularni qiynayotgan masalalarga yechim topish maqsadida Oʼzbekiston Respublikasi Davlat soliq qoʼmitasi raisi Behzod Musaev Qashqadaryoda sayyor qabul oʼtkazdi.
Samimiy, ochiq ruhda oʼtgan
qabulda fuqarolar oʼzlarini qiynab kelayotgan masalalar yuzasidan murojaatlar
qilishdi.
Qarshi tumani Chaman mahalla
fuqarolar yigʼinida yashovchi Dildoraxon Komiljonova ishsizligini aytib,
bandligini taʼminlashda amaliy yordam soʼradi. Unga boʼsh ish oʼrinlari tavsiya
etildi, tikuvchilik fabrikasiga ishga joylashtirildi.
Аncha yillardan buyon sogʼligi
yomonlashganini aytib, murojaat qilgan Qarshi tumani, Chaman mahalla fuqarolar
yigʼini Mustaqillik qishlogʼida yashovchi Sarvar Kenjaev davolanishi uchun
order ajratishni soʼradi. Ushbu masala viloyat Sogʼliqni saqlash boshqarmasi
tomonidan nazoratga olindi.
- Men mazkur sayyor qabul
tashkilotchilariga rahmat aytaman. Murojaatim shu yerning oʼzida hal etildi, -
deydi Sarvar Kenjaev.
Qarshi tumani, “Chaman” MFY,
Mustaqillik qishlogʼida yashovchi Muqaddam Jalilova farzandini maktabgacha
taʼlim muassasasiga joylashtirishga amaliy yordam soʼradi. Masala shu yerning
oʼzida hal etildi.
Shuningdek, sayyor qabul davomida ikki nafar nogironligi bor fuqarolarga nogironlik aravachalari topshirildi.
Sayyor qabul davomida Qarshi
tumani “Chaman” MFY, Tokzor koʼchasi, 9-uyda yashovchi fuqaro Bozor Botirov
xonodonidan xabar olindi. Koʼp yillar paxta tozalash zavodida faoliyat
koʼrsatgan fuqaro uch yildirki, toʼshakda yotibdi.
Shuningdek, Qarshi tumani,
Tokzor koʼchasi, 13-uyda yashovchi Zulayxo Xoʼjamurodova xonadoniga qilingan
tashrif ham koʼngillarga samimiylik ulashdi.
Sayyor qabul davomida
fuqarolardan jami 25 murojaat kelib tushdi. 9 ta muammo shu yerning oʼzida hal
etildi. 5 ta masala yuzasidan tushuntirish berildi. Qolgan muammolar ijrosi
uchun aniq muddat va masʼullar belgilandi.
Shu kuni arzonlashtirilgan oziq-ovqat mahsulotlari yarmarkasi tashkil etildi.
Hech kimga sir emaski, soʼnggi
yillarda yurtimizda amalga oshirilayotgan islohotlar zamirida aholi
muammolarini oʼrganish, ularga atroflicha yechim topishdek ustuvor vazifalar
turibdi.
Davlat soliq qoʼmitasi
rahbariyati tomonidan Qashqadaryo viloyatida oʼtkazilgan sayyor qabul ham ana
shu maqsadlar roʼyobiga xizmat qildi, desak mubolagʼa boʼlmaydi.
Qashqadaryo viloyati davlat soliq boshqarmasi Matbuot xizmati