Qishloq joylarda aholining keng qatlamlarini zamonaviy va shinam uy-joy bilan ta’minlash darajasini tubdan oshirish maqsadida Prezidentimizning PQ-2639-sonli qarori (21.10.2016-yil) bilan 2020-yil 1-iyulga qadar pudrat va subpudrat tashkilotlari, qurilish materiallari va asbob-uskunalar ishlab chiqaruvchi tashkilotlarga soliq imtiyozlari taqdim etilgan edi.
Afsuski, muddati yakunlaganiga qaramay, ayrim xo‘jalik yurituvchi subyektlari hamon ushbu imtiyozni qo‘llab kelayotgani aniqlanmoqda.
Jumladan, joriy yilning 1-yarim yilligida 32 ta xo‘jalik subyekti mazkur imtiyozni noqonuniy ravishda qo‘llab, 1,4 mlrd. so‘m miqdorida mablag‘larni budjetga to‘lamagan.
Hozirda aniqlangan holatlar yuzasidan ushbu xo‘jalik subyektlari faoliyatida kameral soliq tekshiruvlari o‘tkazilmoqda.