Давлат солиқ хизмати раҳбар ходимлари томонидан барча ҳудудларда нарх-наво кўтарилишини олдини олиш мақсадида мунтазам мониторинг тадбирлари ўтказиляпти.
18 март куни ҳам Тошкент вилояти давлат солиқ бошқармаси раҳбар ходимлари Оққўрғон туманидаги бозорлар ва савдо мажмуаларида бўлиб, озиқ-овқат маҳсулотларининг нархлари ошиб кетмаслиги юзасидан тушунтириш ишлари олиб борди.
Барқарорликни сақлаш, нарх-наво ўсишининг олдини олиш, бўйича мамлакатимиз раҳбари томонидан берилган топшириқлар ижросини таъминлаш, бу вазиятда нафақат давлат органлари вакиллари, балки бутун мамлакат аҳли янада жипслашиб, аҳил ва ҳамжиҳат бўлиб, мураккаб синовларни енгиб ўтишимиз кераклиги таъкидланди.
Тадбирлар давомида аҳоли эътирозига сабаб бўлаётган ҳолатларни вужудга келтираётган, яъни озиқ-овқат ва зарур тиббий воситалар нархини сунъий равишда ошираётган шахсларга нисбатан маъмурий баённома тузилмоқда. Улардан ҳуқуқбузарлик ашёлари иш қонуний ҳал бўлгунга қадар олиб қўйилмоқда.
Эслатиб ўтамиз, бу каби ҳолатлар юзасидан бутун республика ҳудудида мониторинг тадбирлари давом этмоқда.
Тошкент вилояти ДСБ
Ахборот хизмати.