Qish mavsumini betalofat oʻtkazish boʻyicha (kunlik natijalarini umumlashtirish va muhokama qilib borish) 208 ta tuman va shahar davlat soliq inspeksiyalarida navbatchilik Shtablari tashkil etildi.
4-sektor mahallalaridagi xonadonlarda qish mavsumini betalofat oʻtkazish boʻyicha zarur choralar koʻrib borilmoqda.
Respublika boʻyicha 4-sektorda 2 140 ta mahalla, 1,5 mln.ta xonadon, 2,1 mln.ga yaqin oila istiqomat qiladi, aholi soni 7,9 mln.nafarni tashkil etadi.
Xonadonlarning 903,6 mingtasi tabiiy gaz bilan, qolgan 640,1 mingtasi koʻmir bilan isitishga moʻljallangan. Shuningdek, 653,3 mingta xonadonlar balonli suyultirilgan gazdan foydalanib kelmoqda.
4-sektordagi yordamga muhtoj xonadonlarga turli yordamlar koʻrsatildi. Jumladan, 742 ta xonadonga isitish moslamalari, 18 065 ta xonadonga oziq-ovqat mahsulotlari, 2 911 ta xonadonga 2 662,3 mln.soʻmlik pul koʻrinishdagi yordam, 303 ta xonadonning kommunaldan boʻlgan qarzdorligi toʻlab berildi, 1 760 nafar fuqaroga dori-darmon vositalari, 2 931 nafar bolalarga qishki kiyim-bosh va 258 ta xonadonga oʻtin yonilgʻisi kabi yordamlar koʻrsatildi.
Hududlarni ijtimoiy-iqtisodiy rivojlantirish sektorlarni muvofiqlashtirish departamenti