Soliq ma’muriyatchiligida raqamli texnologiyalarni joriy etish bo‘yicha hamkorlik
22/11/2019
Davlat soliq qo‘mitasida Jahon bankining texnik yordam loyihasi bilan
yaqindan tanishish maqsadida mazkur bank ekspertlari bilan uchrashuv o‘tkazildi.
DSQ biznes sohasi vakillari uchun qulayliklar yaratish
maqsadida soliq ma’muriyatchiligi bilan bog‘liq zamonaviy dasturiy
mahsulotlarni ishlab chiqish va joriy etishga katta e’tibor qaratmoqda.
Bunda Jahon bankining ekspertlari ham jalb qilinmoqda.
So‘nggi bir necha oy davomida Jahon banki QQS tahlili, xavf matritsasi, QQSni
qaytarish mexanizmi, biznes-tahlil instrumentlari, audit o‘tkazish dasturlari
bo‘yicha o‘qitish va boshqa sohalarda yordam ko‘rsatdi.
Uchrashuv davomida Jahon bankining soliq bo‘yicha konsultanti
Xalid el Korek O‘zbekistonda QQS to‘lovlarining barqaror o‘sayotganini yuqori
baholadi. U hamkorlikning keyingi bosqichi sifatida QQSni elektron qaytarish
tizimini soddalashtirish maqsadida “Yo‘l xaritasi” ishlab chiqilayotganini
ta’kidladi.
– O‘zbekistonda biznes va soliq organlari o‘rtasidagi
munosabatlar yangi bosqichga ko‘tarilmoqda – deydi Jahon bankining davlat
sektori bo‘yicha yetakchi mutaxassisi Raul Feliks Yunkera-Varela. – Raqamli
texnologiyalar va yangi dasturiy mahsulotlarning yaratilishi DSQning soliq
to‘lovchilar uchun servisga yo‘naltirilgan siyosatini amaliyotga to‘liq joriy
etilishiga xizmat qiladi.