Shu kunlarda yangi tahrirdagi
Soliq kodeksi loyihasi boʼyicha keng jamoatchilik vakillari, deputatlar,
tadbirkorlik subʼektlari, soliq va moliya sohasi mutaxassislari oʼrtasida
qizgʼin muhokamalar davom etmoqda.
Yangi tahrirdagi Soliq kodeksi
loyihasida taklif etilayotgan yana bir oʼzgarish ortiqcha toʼlangan soliqni
hisobga olish yoki qaytarishning yangi tartibi nazarda tutilayotgani bilan
bogʼliq.
Xususan, ortiqcha toʼlangan
soliq miqdorini oʼz vaqtida qaytarish va ortiqcha yigʼilgan soliq summasini
hisobga olish (qaytarish) mexanizmini joriy etish rejalashtirilgan.
Bunda har bir kechiktirilgan kun
uchun soliq summasi qaytarilgan taqdirda soliq organi soliq toʼlovchiga, shu
jumladan, yuqori turuvchi soliq organi yoki sud tomonidan bekor qilingan
taqdirda foizlarni toʼlaydi.
Hisob-kitoblarni soddalashtirish
maqsadida soliqlar, penyalar va jarimalar miqdori bitta hisobda toʼlanadi, ammo
hisobni yuritish Gʼaznachilikning 3 xil hisobvaragʼi orqali amalga oshiriladi.