Davlat soliq organlari tomonidan Soliq kodeksining 138-moddasiga muvofiq, tadbirkorlik subyektlari hisobotlari asosida tekshiruvdan oldingi tahlil o‘tkazish yo‘lga qo‘yilgan.
Tahlil natijalarida aniqlangan tafovutlarning kelib chiqish sabablari soliq to‘lovchilarga tushuntirilib, o‘tkazilish ehtimoli bo‘lgan tekshiruvlarning oldi olinmoqda.
Tekshiruvdan oldingi tahlillar davomida ko‘p uchrayotgan holatlardan biri – soliq to‘lovchilar tomonidan aksiz solig‘i hisobotini taqdim etish jarayonida aksiz to‘lanadigan tovarlar va xizmatlarga nisbatan soliq stavkalarini hisobotlarda noto‘g‘ri aks ettirish holatidir.
Kamchiliklarni bartaraf etish uchun – soliq to‘lovchilar realizatsiya qilingan aksiz to‘lanadigan tovarlar va xizmatlarga nisbatan soliq stavkalarini Soliq kodeksining 289-, 289(1), 289(2) 289(3) moddalarida belgilangan stavkalardan kelib chiqib aks ettirishi lozim.
Ma’lumot uchun: yuqoridagi holatlar bo‘yicha 2021-yilda 229 ta tashkilot soliq hisobotlarida jami 728 511,1 mln so‘mlik tafovutlar aniqlangan.