Joriy yilning 12-may kuni Davlat soliq qo‘mitasida navbatdagi ma’naviyat soati bo‘lib o‘tdi.
Unda Davlat soliq qo‘mitasi huzuridagi Fiskal institut dotsenti, tarix fanlari doktori Fayzulla Tolipov “Yangi O‘zbekiston Taraqqiyot strategiyasi va “Temur Tuzuklari”da soliq ma’murchiligiga oid g‘oyalarning tutashuv nuqtasi” mavzusida ma’ruzasi bilan chiqish qildi.
Tadbirda ishtirok etgan qo‘mita markaziy apparti tuzilma rahbarlari hamda xodimlari ma’ruzani kata qiziqish bilan tingladi.
Dotsent F.Tolipov dastlab Yangi O‘zbekistonning 2022-2026-yillarga bag‘ishlangan taraqqiyot strategiyasining ustuvor yo‘nalishlari va maqsadlari, xususan, soliq ma’murchiligini isloh qilishga oid masalalar haqida batafsil tushuntirish berdi.
Shundan so‘ng, buyuk bobokalonimiz Sohibqiron Amir Temurning Temur Tuzuklari asaridagi soliq solishga oid me’yorlarning bugungi soliq ma’murchiligiga o‘xshahs va farqli jihatlarini taqqoslash asosida tushuntirib berdi.