Yangi
tahrirdagi Soliq kodeksida asosiy oʼzgarishlar nimalardan iborat? Аyni shu
borada tayyorlangan savol-javoblarni taqdim etamiz.
Savol: Soliq
islohotlarini amalga oshirishda 3 ta masala – soliq yukini kamaytirish, soliqqa
tortishni soddalashtirish, soliq maʼmuriyatchiligini takomillashtirishni hal
etish vazifasi belgilangan edi. Yangi tahrirdagi Soliq kodeksi ushbu mezonlarga
toʼliq javob beradimi?
Javob: Yangi
tahrirdagi Soliq kodeksida ushbu jihatlar inobatga olingan. Bularga birma-bir
toʼxtalib oʼtsak.
Soliq yukini
kamaytirish boʼyicha:
Birinchisi, QQS
boʼyicha hosil boʼlgan ortiqcha summani, yaʼni “manfiy” qoldiq summasini
toʼliqligicha qaytarish, asosiy vositalar hamda koʼchmas mulk obʼektlari
boʼyicha QQS bir yoʼla hisobga olinishi belgilanmoqda.
Ikkinchisi,
byudjet tashkilotlaridan boshqa barcha tadbirkorlik subʼektlari uchun yagona
ijtimoiy toʼlov 12 foiz (oldin 25 foiz edi) miqdorida belgilanmoqda.
Uchinchisi,
yakka tartibdagi tadbirkorlar tomonidan toʼlanadigan soliq summasi oʼrtacha 30
foizga kamaytirilmoqda.
Soliqqa
tortishni soddalashtirish boʼyicha:
Yangi
tahrirdagi Soliq kodeksining loyihasida amaldagi soliqlar soni 13 tadan 9
tagacha kamaytirilmoqda.
Yakka
tartibdagi tadbirkorlarga soliqlarni toʼlashni tanlash huquqi berilmoqda.
Xususan, ular
soliqni qatʼiy belgilangan miqdorlarda toʼlash yohud jismoniy shaxsning jami
yillik daromadi toʼgʼrisida deklaratsiya asosida toʼlashi mumkin boʼladi.
Soliq
maʼmuriyatchiligini takomillashtirish boʼyicha:
Soliq nazorati
shakllari 13 tadan 2 taga qisqartirildi.
Tekshirishlarni
tayinlash tartibiga oʼzgartirish kiritilmoqda, tekshirishlar inson omilisiz
faqat “Tahlika-tahlil” dasturi asosida 3 ta segmentga boʼlish asosida amalga
oshiriladi.