Ҳурматли солиқ тўловчилар!
Давлат солиқ қўмитаси номидан ва шахсан ўз номимдан Сизларни кириб келаётган янги – 2021 йил билан чин қалбимдан табриклайман.
2020 йил инсоният олдига янги муаммо ва қийинчиликларни қўйишига қарамай, биз кўплаб йўналишларда ютуқларга эришдик. Бунда Сиз, солиқ тўловчиларнинг давлат олдидаги мажбуриятларингизни бажаришга бўлган масъулиятингиз муҳим ўрин тутади.
2021 йилда ҳам давлат солиқ хизмати органларининг барча ходимлари умумий мақсад – аҳоли турмуш фаровонлиги ва мамлакат ривожи йўлида ишлашни давом эттиради. Солиқ хизмати органлари тадбиркорларнинг ишончли ҳамкори бўлишда, инсофли солиқ тўловчиларни ҳар томонлама қўллаб-қувватлашда давом этади.
Янги йилда, албатта, олдимизга қўйилган вазифаларни бажариб, барча мақсадларимизга эришамиз, янги марраларни забт этамиз!
Азиз ватандошлар, янги – 2021 йилда сиҳат-саломатлик, бахту саодат ва фаровонлик ҳамроҳингиз бўлсин!
Ўзбекистон Республикаси Давлат солиқ қўмитаси раиси
Шерзод Кудбиев