O‘zini o‘zi band qilgan shaxslarni ro‘yxatga olish tartibi soddalashtiriladi.
2020-yil 1-iyuldan boshlab o‘zini o‘zi band qilgan shaxslar shug‘ullanishi mumkin bo‘lgan faoliyat (ishlar, xizmatlar) turlari ro‘yxati 67 taga kengaytiriladi.
Toshkent shahri, Andijon va Surxondaryo viloyatlarida umumbelgilangan soliq to‘lovchilariga avvalgidek tuman inspeksiyalarida emas, balki viloyatlar va Toshkent shahar davlat soliq boshqarmalarida xizmat ko‘rsatiladi.
QQSning manfiy qoldiq summasini qaytarish amalga oshiriladi.
QQSning manfiy qoldiq summasi:
- soliq to‘lovchining arizasiga asosan;
- 60 kundan kechiktirmagan holda;
- belgilangan tartibda kameral tekshiruv o‘tkazilgandan so‘ng qaytariladi.
Quyidagi imtiyozlarning muddati tugatiladi:
- 2017-2021-yillarda qishloq joylarda yangilangan namunaviy loyihalar bo‘yicha arzon uy-joylar qurish Dasturini amalga oshirishda ayrim tashkilotlarga qo‘shilgan qiymat solig‘idan berilgan imtiyozlar;
- mikrofirma va kichik korxonalarga 2020-yilning 1-mayidan 1-iyuligacha bo‘lgan davrda ijtimoiy soliq stavkasining 12 % dan 1 % gacha kamaytirilishi;
- faqat mahaliy dondan ishlab chiqarilgan undan tayyorlangan qolipli non ishlab chiqarish va sotishda qo‘shilgan qiymati solig‘idan ozod qilish.