Keyingi yillarda mamlakatimizda murojaatlar bilan ishlash va aholi muammolarni hal etish sohasida yangi davr boshlandi. Bugungi kunda Davlat soliq qoʻmitasi oʻz faoliyatining ochiqligi va shaffofligini taʼminlash, xalqning turli sohalarga oid muammolarini oʻrganish va ularni ijobiy hal etish maqsadida aholining murojaatlari bilan doimiy tarzda ishlab kelmoqda.
Xususan, oʻtgan davr mobaynida Soliq qoʻmitasi tomonidan murojaatlar bilan ishlash borasida qator ishlar amalga oshirildi. 2023-yil yanvar oyi davomida jismoniy va yuridik shaxslardan jami 4 522 ta myrojaat kelib tushgan boʻlib, shundan 630 tasi qanoatlantirilgan boʻlsa, 1 724 tasi boʻyicha tushuntirish berilgan.
Shuningdek, Oʻzbekiston Respublikasi Prezidentining Xalq qabulxonalari va Virtual qabulxonasi orqali kelib tushgan murojaatlarning 18 tasi qanoatlantirilib, 256 tasiga tushuntirish berilgan.
Jami kelib tushgan murojaatlarning 116 tasi soliqlardan ozod qilish va imtiyozlar qoʻllash, 32 tasi savdo-sotiq sohasidagi tartib buzilish holatlari toʻgʻrisida boʻlib va qolgan qismi boshqa masalalarni tashkil etadi.
Xalqimizning hayotiy talab va ehtiyojlarini taʼminlash, odamlarni rozi qilish maqsadida 2022-yil davomida respyblikamiz hududlarida qoʻmita rahbariyati tomonidan tashkil etilgan sayyor qabullar jarayonida fuqaro va tadbirkorlardan tushgan murojaatlar huquqiy maʼlumot va tushuntirishlar berish orqali hal etilgan.
Yuqoridagi raqamlar tahlilidan ham koʻrinib turibdiki, murojaatlarning hech biri eʼtiborsiz qoldirilmasdan belgilangan tartibda ijobiy hal etib kelinmoqda.
Tashkiliy ishlar va nazorat boshqarmasi Murojaatlar bilan ishlash boʻlimi