Davlat soliq qoʼmitasi huzuridagi Yirik soliq toʼlovchilar boʼyicha hududlararo davlat soliq inspektsiyasida elektron hisobvaraq-faktura tizimidan foydalanish jarayonida yuzaga kelayotgan savollar va muammoli masalalar yuzasidan trening oʼtkazildi.
Unda yirik
soliq toʼlovchi korxonalar rahbarlari va buxgalterlari ishtirok etdi.
Treningda
elektron hisobvaraq-faktura tizimidan foydalanish imkoniyatlari boʼyicha
tushunchalar berilib, bu yoʼlda qabul qilingan normativ huquqiy hujjatlar
mazmun-mohiyatiga batafsil toʼxtalib oʼtildi.
Korxona va
tashkilotlarning buxgalteriya hisobi va elektron hisobvaraq-faktura tizimini
integratsiya qilish masalalari muhokama qilindi.
“Yangi
texnologiyalar” ilmiy-axborot markazi tomonidan elektron hisobvaraq-faktura
tizimi uchun ishlab chiqilgan dasturiy mahsulotlar va mobil ilovalar haqida
maʼlumotlar berildi. Xoʼjalik yurituvchi subʼektlar uchun “Soliq-servis” DUKda
operator sifatida elektron hisobvaraq-faktura tizimi boʼyicha taklif
etilayotgan xizmatlar taqdimoti oʼtkazildi.
Tadbirda
xoʼjalik subʼektlar faoliyatida yuzaga kelayotgan muammoli masalalar koʼrib
chiqilib, ularga mutaxassislar tomonidan amaliy yechim koʼrsatib oʼtildi.
Bunday
treninglarni yaqin kunlarda boshqa yirik soliq toʼlovchilar uchun ham tashkil
etilishi rejalashtirilgan.
DSQ Matbuot xizmati