Ушбу тиражда бутун республика истеъмолчилари иштирок этди. Қатнашиш учун эса дорихоналар, АЁҚШ, алкоголь ва тамаки маҳсулотлари савдо нуқталари ҳамда йирик савдо тармоқларида Онлайн НКМ ва виртуал кассадан берилган чекларни рўйхатдан ўтказиш кифоя.

Ютуқли чек ўйинларининг ушбу тиражида рекорд янгиланди – рўйхатдан ўтказилган онлайн касса чеклари сони 105 112 тани ташкил этди.

Ўйинда Истеъмолчилар ҳуқуқларини ҳимоя қилиш агентлиги мутасадди вакиллари, журналистлар ва комиссия аъзолари иштирок этди.

Очиқ ва шаффоф тарзда ўтказилган ўйин MY5 – “Mening yurtim” телеканали орқали жонли эфирга узатилди.

Ушбу тиражга қўйилган 20 та қимматбаҳо соврин Бухоро, Фарғона, Қашқадарё, Самарқанд вилоятлари ҳамда Тошкент шаҳри истеъмолчиларига насиб этди.

Бу галги супер ютуқ – Chevrolet Nexia 3 Қашқадарё вилоятида истиқомат қилувчи юртдошимизга насиб этди. 

Ғолиблар рўйхати: 

Ҳурматли юртдошлар, агар Сиз рўйхатдан ўтказган чек ютуқли деб топилган бўлса, ютуқли ўйин ташкилотчилари бир иш куни ичида совринни қачон ва қаердан олишингиз ҳақида SMS хабарнома юборади.

Қамрови мамлакат бўйлаб ёйилган ютуқли ўйинларнинг бешинчи тиражидан ёрқин лаҳзалар фоторепортажда акс эттирилган: 

Эслатиб ўтамиз: 2020 йил 17 ноябрь соат 12:00дан кейин берилган ва рўйхатдан ўтказилган чеклар ютуқли чек ўйинларининг олтинчи тиражида иштирок этади. VI тираж санаси қўшимча равишда маълум қилинади.

Муҳим: ғолиблар совринларини олиш учун асл ҳолатдаги яроқсиз бўлмаган ютуқли чек ва шахсини тасдиқловчи ҳужжат тақдим этиши шарт. Яроқсиз ҳолатдаги чек ёки унинг нусхаси ҳақиқий ҳисобланмайди.

Совриндорлар орасида 18 ёшга тўлмаган ва муомалага лаёқатсиз жисмоний шахслар аниқланган тақдирда, ютуқ уларнинг қонуний вакиллари томонидан вакиллигини тасдиқловчи ҳужжатларни кўрсатган ҳолда олиниши мумкин.

Соврин учун тўланадиган жисмоний шахслардан олинадиган даромад солиғи ташкилотчи зиммасига юклатилади. 

Ютуқли чек ўйинлари ғолибларини чин дилдан табриклаймиз!

 ДСҚ Матбуот хизмати