Жавоб

Ўзбекистон Республикаси Президентининг 2020 йил
19 мартдаги ПФ-5969-сонли ва 3 апрелдаги ПФ-5978-сонли Фармонларига асосан, якка тартибдаги тадбиркорларга солиқ имтиёзлари ва енгилликлардан фойдаланиш бўйича 11 та меъёрлар белгиланди.

Жумладан, ўрнатилган муддатларга қадар:

ижтимоий солиқнинг ойлик энг кам суммаси базавий ҳисоблаш миқдорининг 50 фоизига қадар камайтириш;

ўз фаолиятини тўхтатишга мажбур бўлган якка тартибдаги тадбиркорлар учун жисмоний шахслардан олинадиган даромад солиғи қатъий белгиланган суммасини ва ижтимоий солиқни ҳисоблашни тўхтатиш;

мол-мулк солиғи, ер солиғи ва сув ресурсларидан фойдаланганлик учун солиқни тўлаш бўйича фоизларни ундирмасдан 6 ойга кечиктириш (бўлиб-бўлиб тўлаш);

вақтинча қийинчиликларни бошдан кечираётган хўжалик юритувчи субъектларга мол-мулк солиғи, ер солиғи ва сув ресурсларидан фойдаланганлик учун солиқ бўйича пенялар ҳисобланишини тўхтатиб туриш, шунингдек, солиқ қарзини мажбурий ундириш чораларини кўрмаслик;

солиқ аудитидан ўтказишни тўхтатиш;

айланмаси ойига 1 млрд сўмдан ошмайдиган ва электрон ҳисоб-фактураларни қўллайдиган қўшилган қиймат солиғини ҳар чораклик асосида ҳисоблаш ва тўлаш;

фойдаланилмаётган ишлаб чиқариш майдонлари, яшаш учун мўлжалланмаган иншоотларга нисбатан мол-мулк солиғи ва ер солиғининг оширилган ставкаларини қўллашни, шунингдек, кўрсатилган солиқлар бўйича оширилган ставкаларни қўллаш натижасида юзага келган қарздорликка нисбатан пеня ҳисоблаш ва мажбурий ундириш чораларини кўришни тўхтатиш каби солиқ имтиёзлари ва енгилликлар белгиланди.

Жавоб

Эшитишимча, Президентимизнинг Фармонлари билан имтиёз берилган экан. Бунинг учун кимга мурожаат қилишимиз керак?

Ўзбекистон Республикаси Президентининг 2020 йил 3 апрелдаги ПФ-5978-сонли Фармонига асосан, фойдаланилмаётган ишлаб чиқариш майдонлари, яшаш учун мўлжалланмаган иншоотларга, шу жумладан 2020 йил
1 апрелга қадар аниқланганларга нисбатан мол-мулк солиғи ва ер солиғининг оширилган ставкалари, шунингдек, кўрсатилган солиқлар бўйича оширилган ставкаларни қўллаш натижасида юзага келган қарздорликка нисбатан пеня ҳисоблаш ва мажбурий ундириш чораларини кўриш тартиби тўхтатилади.

Оширилган ставкаларни қўллаш, пеня ҳисоблаш ва мажбурий ундириш чораларини тўхтатиш Давлат солиқ қўмитаси томонидан тегишли дастурий маҳсулотга ўзгартириш орқали амалга оширилади.

Жавоб

Янги таҳрирдаги Солиқ кодекси талабларига асосан (340 – модда) даромад суммаси беш миллиард сўмдан ошган солиқ тўловчиларга  2020 йил I чораги учун фойда солиғи бўйича бўнак тўловлари солиқ органлари томонидан ҳисобланган эди.

Ўзбекистон Республикаси Президентининг 2020 йил 3 апрелдаги ПФ-5978-сонли Фармонининг 15-бандига асосан, 2020 йилнинг иккинчи чорагидан бошлаб, фойда солиғини аввалги чорак якунлари асосида ҳисоблаш тартиби бекор қилинди.

Энди солиқ тўловчилар кутилаётган фойда ҳажмидан келиб чиқиб, аванс суммаси тўғрисида маълумотнома тақдим этиш ҳуқуқи берилди.

2020 йил II чораги фойда солиғи бўнак тўлови айнан корхона томонингиздан тақдим қилинган маълумотномага асосан ҳисобланади.

Шу ўринда таъкидлаб ўтишимиз керак, агар солиқ тўловчи мазкур ҳуқуқни суиистеъмол қилиш ҳолатлари аниқланса солиқ органлари корхона тақдим этган маълумотномага ўзгартириш киритиш ваколатига эга.

Жавоб

Бугунги кунда давлат солиқ хизмати органларида масофадан туриб
46 турдаги электрон хизматлар кўрсатилмоқда (20 таси интерактив ва 26 ахборот хизматлари).

Шунингдек, Ўзбекистон Республикаси Президентининг 2020 йил 19 мартдаги ПФ-5969-сонли Фармонига мувофиқ, Давлат солиқ қўмитаси томонидан солиқ тўловчилар учун қўшимча “SOLIQ” мобил иловаси ишга туширилди. Ушбу илова 15 турдаги электрон хизматлардан таркиб топган.

Мазкур мобил илова орқали:

СТИРни аниқлаш;

ҚҚС тўловчилари ҳақида маълумот олиш;

шахсий ҳисобварақ маълумотлари билан танишиш;

солиқларни ҳисоблаш ва тўлаш;

солиқ имтиёзлари;

топширилган ҳисоботлар ҳолатини текшириш;

аниқланган ҳуқуқбузарликлар ҳақида хабар бериш каби имкониятлардан фойдаланиш мумкин.

Бундан ташқари, жисмоний шахслар учун:

Click, Payme, U-pay, Paynet электрон тўлов тизимлари ва MUNIS банк тизими, юридик шахслар ва якка тартибдаги тадбиркорлар учун солиқ органларининг электрон давлат хизматлари портали – my.soliq.uz орқали солиқларни тўлаш имкониятлари яратилган.

Жавоб

Жавоб

Ўзбекистон Республикаси Президентининг 2020 йил 19 мартдаги ПФ-5969-сонли ва 3 апрелдаги ПФ-5978-сон Фармонларига асосан:

2019 йил учун жами йиллик даромадлари тўғрисидаги декларацияни тақдим этиш муддати 2020 йил 1 августга қадар узайтирилди;

жисмоний шахсларнинг мол-мулк солиғи ва ер солиғини тўлаш муддати
 2020 йил 15 октябрга қадар узайтирилди;

жисмоний шахслар томонидан хайрия ташкилотларидан моддий наф тарзида олинадиган даромадларни солиққа тортишдан озод қилинди.

Жавоб

Ўзбекистон Республикаси Вазирлар Маҳкамасининг 2020 йил 23 мартдаги “Коронавирус инфекцияси тарқалишига қарши қўшимча чора-тадбирлар тўғрисида”ги 176-сонли қарорига асосан, Тошкент шаҳри, Қорақалпоғистон Республикаси ва вилоятларда жойлашган деҳқон бозорларидан ташқари барча бозорлар фаолияти тўхтатилди. Бунда, деҳқон бозорлари фаолияти тўхтатилмади.

Шу билан бирга, коронавирус инфекцияси тарқалишини олдини олиш мақсадида, биринчи босқичда Тошкент шаҳрида, кейинчалик босқичма-босқич Нукус шаҳри, вилоят ва туман марказларида жойлашган барча йирик деҳқон бозорлари ва савдо мажмуалари (супермаркет, гипермаркет ва бошқалар) кириш-чиқиш жойларини тегишли мутахассислар билан таъминлаган ҳолда тепловизорлар ва антисептик воситалар билан жиҳозланди.

Жавоб

Солиқ кодексининг 221-моддасига асосан, ҳаридорга белгиланган тартибда ҳарид учун чек ёки унга тенглаштирилган ҳужжатларни бермаслик ёки рад этганлик учун — беш миллион сўм миқдорида жарима солишга сабаб бўлади.

Шу ўринда, ҳарид учун чек ёки унга тенглаштирилган ҳужжатларни бермаслик ҳолатларига дуч келсангиз, Давлат солиқ қўмитасининг 24 соат мобайнида фаолият олиб бораётган Call-маркази (1198) ва “Ишонч телефони”га (71) 244 - 98- 98 мурожаат қилишингизни сўраймиз.

Жавоб

Ўзбекистон Республикаси Президентининг 2016 йил 31 октябрдаги “Аҳолини дори-дармон воситалари ва тиббиёт буюмлари билан таъминлашни янада яхшилашга доир чора-тадбирлар тўғрисида”ги ПҚ-2647-сонли қарорда дори-дармон воситалари ва тиббиёт буюмларини:

улгуржи савдо учун сотиб олинган қийматидан 15 фоиздан;

чакана савдо учун улгуржи нархидан 20 фоиздан ортиқ бўлмаган миқдорларда белгиланадиган чекланган савдо устамалари қўлланилган ҳолда амалга ошириши белгиланган.

Ушбу талабларни бузганлик учун:

МЖтКнинг 164-моддасига асосан, савдо ёки хизмат кўрсатиш қоидаларини бузиш 1,5 млн.сўмгача жарима солишга сабаб бўлади.

Бу эса, “Фаолиятнинг айрим турларини лицензиялаш тўғрисида”ги Ўзбекистон Республикаси Қонунинг 23-моддасига асосан дори воситаларини сотиш ҳуқуқини берувчи лицензияни бекор қилинишига олиб келади.

! Махсулотлар нарх – наволарнинг сунъий оширилиш ҳолатлари кузатилса, фуқароларимиздан зудлик билан Давлат солиқ қўмитасининг
24 соат мобайнида фаолият олиб бораётган Call-маркази (1198) ва «Ишонч телефони»га (71) 244 - 98- 98 боғланишлари сўралади.

Ҳар бир мурожаатлари бўйича давлат солиқ хизмати органлари зудлик билан тегишли назорат табдирларини жойига чиққан ҳолда амалга оширади.

Жавоб

Коронавирус инфекцияси тарқалишига қарши курашиш даврида аҳолини ижтимоий ҳимоя қилишни кучайтириш ва иқтисодиёт тармоқлари фаолият кўрсатишининг барқарорлигини таъминлаш, шунингдек, айрим хўжалик юритувчи субъектларни қўллаб-қувватлаш мақсадида, аҳоли ва бизнесни деярли барча қатламига солиқ имтиёзлари ва енгилликлар бериш тўғрсида Ўзбекистон Республикаси Президентининг 2 та Фармонлари қабул қилинди. Жумладан, солиқ имтиёзлари ва енгилликларни қўллаш бўйича:

Ўзбекистон Республикаси Президентининг 2020 йил 19 мартдаги “Коронавирус пандемияси ва глобал инқироз ҳолатларининг иқтисодиёт тармоқларига салбий таъсирини юмшатиш бўйича биринчи навбатдаги чора-тадбирлар тўғрисида”ги ПФ-5969-сонли Фармони билан юридик шахслар бўйича 6 та, якка тартибдаги тадбиркорлар бўйича 5 та ва жисмоний шахслар бўйича 3 та;

Ўзбекистон Республикаси Президентининг 2020 йил 3 апрелдаги “Коронавирус пандемияси даврида аҳоли, иқтисодиёт тармоқлари ва тадбиркорлик субъектларини қўллаб-қувватлашга доир қўшимча чора-тадбирлар тўғрисида”ги ПФ-5978-сонли Фармони билан юридик шахслар бўйича 10 та ва якка тартибдаги тадбиркорлар бўйича 6 та меъёрлар белгиланди.

Бу борада, Давлат солиқ қўмитаси томонидан оммавий ахборот воситаларида солиқ имтиёзларини қўллаш юзасидан, шунингдек, келиб тушган саволлар ва мурожаатлар бўйича “UzReport” каналида брифинг ўтказилиб борилмоқда.

Бундан ташқари, Давлат солиқ қўмитасининг www.soliq.uz расмий веб-сайти, Telegram ва Facebook ижтимоий тармоқлардаги расмий каналларида тарғибот ишлари олиб борилмоқда.