Республика бўйича 4-секторларда 2 158 та маҳалла, 1,6 млн та хонадон бор. Уларда 2,2 млн га яқин оила истиқомат қилади, аҳоли сони 8,3 млн нафарни ташкил этади.

2024 йилнинг I чораги давомида республика бўйича 4‑секторларда “Темир дафтар”, “Аёллар дафтари” ва “Ёшлар дафтари”га киритилган оила ва фуқаролар бўйича қуйидаги ишлар амалга оширилди:

• 2024‑йил 1 апрель ҳолатига “Темир дафтар”да мавжуд 7 886 та эҳтиёжманд оиланинг 3 524 тасига “Саховат ва кўмак” жамғармаси орқали 4 448 та ҳолатда 3,8 млрд сўмлик моддий ёрдамлар кўрсатилди.
• “Аёллар дафтари”га 5-босқичда 30 ёшдан юқори, 6 та йўналишда муаммолари мавжуд бўлган 22 419 нафар хотин-қизларга амалий ёрдамлар кўрсатилди. Жумладан:
• 14 300 нафари ижтимоий ҳимояга муҳтож ишсизлар;
• 648 нафари тадбиркорлик қилиш истагида бўлган эҳтиёжмандлар;
• 2 600 нафари боқувчиси бўлмаган эҳтиёжмандлар (шундан 12 нафарининг уй-жойи таъмирланди);
• 3 067 нафари - ижтимоий ёрдамга муҳтож I ва II гуруҳ ногиронлиги бўлган, тезкор тиббий муолажага муҳтож эҳтиёжмандлар (шундан 4 нафарининг уй-жойи таъмирланди);
• 226 нафар - уй-жойга муҳтожлар (шундан 15 нафари уй-жой билан таъминланди, 211 нафарига ижара компенсация тўлаб берилди);
• 1 578 нафари - қарамоғида ногиронлиги бўлган фарзандлари бор эҳтиёжмандлар (шундан 7 нафарига томорқадан унумли фойдаланиш учун ёрдам берилди).
• “Ёшлар дафтари”даги 3 545 нафар ёшларга 10,2 млрд сўмлик амалий ёрдамлар кўрсатилди.

Жумладан, 1 443 нафарига тўлов контрактлари тўлаб берилди, 415 нафари келажак касбларига ва бошқа касб-ҳунарларда ўқитилди, 344 нафарига асбоб-ускуналар олиб берилди, 316 нафарига тиббий хизмат кўрсатилди, 56 нафарига сафарбарлик чақирув харажатлари қоплаб берилди, 10 нафарига ижара асосида ер ажратилди ва 961 нафарига бошқа ёрдамлар кўрсатилди.

 Ҳудудларни ижтимоий-иқтисодий ривожлантириш секторларини мувофиқлаштириш бошқармаси