Ўзбекистон Республикаси Президентининг Тадбиркорликни қўллаб-қувватлаш бўйича жамоатчилик кенгашининг навбатдаги йиғилиши ўтказилди.
Ўзбекистон Савдо-саноат палатасида ўтган йиғилишда Кенгаш аъзолари, Солиқ қўмитаси Раиси Ш.Кудбиев, палата раиси Д.Вахобов ҳамда бошқа алоқадор вазирлик ва идоралар вакиллари иштирок этди.
Унда тадбиркорлик фаолиятини тартибга солувчи норматив-ҳуқуқий ҳужжатлар лойиҳалари Адлия вазирлиги томонидан ҳуқуқий экспертизадан ўтказилгунга қадар муҳокама қилинди.
Хусусан, яширин иқтисодиётга қарши курашишга қаратилган солиқ назорати, ҚҚС салбий фарқ суммасини қайтариш, юридик шахслар кўчмас мулки учун минимал ставкалар белгилаш, йирик солиқ тўловчилар маъмурчилиги ва бошқа шу каби таклифлар юзасидан тадбиркорлик субъектлари вакилларининг фикр ва мулоҳазалари тингланди.
Кенгаш аъзолари ҳамда соҳа мутахассисларининг қизғин ва конструктив мулоқоти якунида билдирилган таклифрар асосида норматив-ҳуқуқий ҳужжатлар лойиҳаларини такомиллаштиришга келишиб олинди.