Respublika boʻyicha 4-sektorlarda 2 158 ta mahalla, 1,6 mln ta xonadon bor. Ularda 2,2 mln ga yaqin oila istiqomat qiladi, aholi soni 8,3 mln nafarni tashkil etadi. 

2024-yilning I choragi davomida respublika boʻyicha 4‑sektorlarda “Temir daftar”, “Ayollar daftari” va “Yoshlar daftari”ga kiritilgan oila va fuqarolar boʻyicha quyidagi ishlar amalga oshirildi:

• 2024‑yil 1-aprel holatiga “Temir daftar”da mavjud 7 886 ta ehtiyojmand oilaning 3 524 tasiga “Saxovat va koʻmak” jamgʻarmasi orqali 4 448 ta holatda 3,8 mlrd soʻmlik moddiy yordamlar koʻrsatildi.
• “Ayollar daftari”ga 5-bosqichda 30 yoshdan yuqori, 6 ta yoʻnalishda muammolari mavjud boʻlgan 22 419 nafar xotin-qizlarga amaliy yordamlar koʻrsatildi. Jumladan:
• 14 300 nafari ijtimoiy himoyaga muhtoj ishsizlar;
• 648 nafari tadbirkorlik qilish istagida boʻlgan ehtiyojmandlar;
• 2 600 nafari boquvchisi boʻlmagan ehtiyojmandlar (shundan 12 nafarining uy-joyi taʼmirlandi);
• 3 067 nafari - ijtimoiy yordamga muhtoj I va II guruh nogironligi boʻlgan, tezkor tibbiy muolajaga muhtoj ehtiyojmandlar (shundan 4 nafarining uy-joyi taʼmirlandi);
• 226 nafar - uy-joyga muhtojlar (shundan 15 nafari uy-joy bilan taʼminlandi, 211 nafariga ijara kompensatsiya toʻlab berildi);
• 1 578 nafari - qaramogʻida nogironligi boʻlgan farzandlari bor ehtiyojmandlar (shundan 7 nafariga tomorqadan unumli foydalanish uchun yordam berildi).
• “Yoshlar daftari”dagi 3 545 nafar yoshlarga 10,2 mlrd soʻmlik amaliy yordamlar koʻrsatildi.

Jumladan, 1 443 nafariga toʻlov kontraktlari toʻlab berildi, 415 nafari kelajak kasblariga va boshqa kasb-hunarlarda oʻqitildi, 344 nafariga asbob-uskunalar olib berildi, 316 nafariga tibbiy xizmat koʻrsatildi, 56 nafariga safarbarlik chaqiruv xarajatlari qoplab berildi, 10 nafariga ijara asosida yer ajratildi va 961 nafariga boshqa yordamlar koʻrsatildi.

Hududlarni ijtimoiy-iqtisodiy rivojlantirish sektorlarini muvofiqlashtirish boshqarmasi