O‘zbekiston Respublikasi Vazirlar Mahkamasi huzuridagi Soliq qo‘mitasi

“Солиқ маъмуриятчилигини ислоҳ қилиш” лойиҳаси бўйича амалга оширилган ишлар, жорий ҳолат ва режалар

05/04/2024

01.04.2024 йил ҳолатига

Солиқ қўмитасининг Маълумотларни қайта ишлаш марказини модернизациялаш доирасида аппаратлар ва дастурий таъминот етказиб бериш бўйича тендер якуни билан 5-та шартнома имзоланган (умумий қиймати: 39,32 млн доллар).

Маълумот учун: Тендер 5 та лот кесимида эълон қилинган (3.03.23й.), таклифлар баҳоланиб, натижалари Харид комиссияси ва Жаҳон банки томонидан маъқулланган (31.07.23й.), ғолиблар аниқланган (17.08.23й.), шартномалар келишилган (30.09.23й.). “Winncom Technologies Corp.” (АҚШ) билан 2,3 лот (16.10.23й.) ва 1,4 лот шартномалари (15.12.24й.), “Blaze Technologies LTd” (Болгария) билан 5-лот шартномаси (19.10.23й.) имзоланган, Инвестициялар, саноат ва савдо вазирлигида рўйхатга қўйилган.

2023 йил декабрда ускуналар қисман етказиб келинган (5,84 млн.долл.), жумладан 3-лот шартномаси бўйича 2,4 млн.долл., 5-лот шартномаси бўйича 3,43 млн.долл. қийматида. 2023 йил Инвестиция Дастури доирасида ўзлаштириш прогнози (6 млн доллар) тўлиқ бажарилган.

2024 йилда хорижий кредит ҳисобидан 20 млн доллар ўзлаштирилиш кутилмоқда. Лойиҳа тармоқ жадвали Инвестициялар, саноат ва савдо вазирлиги билан келишилган.

Ўзбекистон Республикаси Вазирлар Маҳкамасининг 2024 йил 14 февралдаги 92-сон қарори билан қабул қилинган 2024 йил I чорак Инвестиция Дастури доирасида лойиҳа бўйича 3 млн доллар ўзлаштириш прогнози белгиланган.

2024 йил 8 февралда 3-лот шартномаси (“Winncom Technologies Corp.” (АҚШ) билан) доирасида 3,1 млн доллар қийматида ускуналар етказиб келиниши ҳисобига 2024 йил I чорак ўзлаштириш прогнози бажарилди (104% режага нисбатан).

Лойиҳа бошидан шартномалар бўйича 8,94 млн доллар қийматида (умумий ҳажмдан 23%) ускуналар етказиб келинган.

Лойиҳани текшириш бўйича мустақил аудиторни танлови доирасида Жаҳон банки билан техник топшириқ келишилди, тендер ҳужжатлар ишлаб чиқилди, Харид комиссиясига кўриб чиқиш ва тасдиқлаш учун киритилди (15.03.24й.).

2024 йилнинг II чорак Инвестиция дастури лойихасига мувофиқ лойиҳа бўйича 4,1 млн доллар ўзлаштирилиш прогнози белгиланган. Прогноз бажарилиши ускуналар етказиб келиниши ҳисобига бажарилиши кўзда тутилган.

Жаҳон банки иштирокидаги “Солиқ маъмуриятчилигини ислоҳ қилиш” лойиҳасини амалга ошириш гуруҳи