"Soliq maʼlumotlarini qayta ishlash markazi" DUK

1. Davlat soliq xizmati organlarining axborot tizimlari va resurslarini texnik jihatdan qo‘llab – quvvatlash, elektron maʼlumotlar bazasini shakllanishi, boshqarilishi va xavfsiz saqlanishini taʼminlash, shuningdek, ushbu Ustavda nazarda tutilgan boshqa ishlar (xizmatlar)ni bajarishdan (ko‘rsatishdan) foyda olish Korxona faoliyatining asosiy maqsadi hisoblanadi.

2. Quyidagilar Korxonaning asosiy vazifalari va faoliyat yo‘nalishlari hisoblanadi:

davlat soliq xizmati organlarining elektron maʼlumotlar bazasining shakllanishi, boshqarilishi va xavfsiz saqlanishini taʼminlash;

davlat soliq xizmati organlarining axborot tizimlari va resurslarini texnik jihatdan qo‘llab - quvvatlash, ishchi rejimda bo‘lishini taʼminlash;

telekommunikatsiya va hisoblash qurilmalarining xavfsizligini taʼminlash, bunda mos ravishda muhandislik infratuzilmasini shakllantirish, unga texnik xizmat ko‘rsatilishini taʼminlash va modernizatsiya qilib borish;

davlat soliq xizmati organlarining elektron axborotni qayta ishlash bo‘yicha texnik resursga nisbatan ehtiyoji hisobini yuritish, rejalashtirish va mutanosib ravishda texnik qurilmalar parkini shakllantirib borish.

3. Korxona o‘ziga yuklatilgan vazifalarga muvofiq quyidagi funksiyalarni bajaradi:

a) davlat soliq xizmati organlarining elektron maʼlumotlar bazasi shakllanishi, boshqarilishi va xavfsiz saqlanishini taʼminlash sohasida;

maʼlumotlar bazasini boshqarish tizimiga texnik va tizimli xizmat ko‘rsatadi;

maʼlumotlar bazasini arxivlash va xavfsiz saqlanishini taʼminlaydi;

maʼlumotlar bazasi arxitekturasini boshqarish va rivojlantirish bo‘yicha ishlarni muvofiqlashtirib boradi;

maʼlumotlar bazasidan ruxsatsiz foydalanilishining oldini oladi;

maʼlumotlar bazasida profilaktika tadbirlarini amalga oshirib boradi;

maʼlumotlar bazasining ishchi holatini taʼminlash bo‘yicha uzluksiz navbatchilikni amalga oshiradi.

b) davlat soliq xizmati organlarining axborot tizimlari va resurslarini texnik jihatdan qo‘llab - quvvatlash, ishchi rejimda bo‘lishini taʼminlash sohasida:

Davlat soliq qo‘mitasining Maʼlumotlarni qayta ishlash markaziga axborot tizimlarini o‘rnatish, sozlash va yangilab borish choralarini ko‘radi;

axborot tizimlari orqali server va hisoblash qurilmalariga yuklamaning mutanosib va samarali taqsimlanishini taʼminlaydi;

axborot tizimlari arxitekturasini takomillashtirish bo‘yicha takliflar ishlab chiqadi;

axborot tizimlarining ishchi holatini doimiy nazorat qilish choralarini ko‘radi;

axborot tizimlaridagi texnik xatoliklarni tahlil qilish, uni bartaraf etish choralarini ko‘radi;

maʼlumotlarni qayta ishlash markazida axborot tizimlarini oʼrnatish va boshqarish bilan bog‘liq ishlarni muvofiqlashtirib boradi;

axborot tizimlari bo‘yicha profilaktika tadbirlarini amalga oshirib boradi;

axborot tizimlarining ishchi holatini taʼminlash, yuzaga kelgan texnik nosozliklarni bartaraf etish bo‘yicha uzluksiz navbatchilikni amalga oshiradi.

v) telekommunikatsiya va hisoblash qurilmalarining xavfsizligini taʼminlash, bunda mos ravishda muhandislik infratuzilmasini shakllantirish, unga texnik xizmat ko‘rsatilishini taʼminlash va modernizatsiya qilib borish sohasida:

maʼlumotlarni qayta ishlash markazi uzluksiz elektr energiyasi taʼminoti, sovitish tizimi va yong‘inga qarshi tizimga ega bo‘lishini taʼminlaydi va ularga tizimli va texnik xizmat ko‘rsatadi;

maʼlumotlarni qayta ishlash markazining muhandislik infratuzilmasini rivojlantirib borish choralarini ko‘radi;

muhandislik tizimlari bo‘yicha profilaktika tadbirlarini amalga oshirib boradi;

muhandislik tizimlari ishchi holatini taʼminlash, yuzaga kelgan texnik nosozliklarni bartaraf etish bo‘yicha uzluksiz navbatchilikni amalga oshiradi.

g) Davlat soliq xizmati organlarining elektron axborotni qayta ishlash bo‘yicha texnik resursga nisbatan ehtiyoji hisobini yuritish, rejalashtirish va mutanosib ravishda texnik qurilmalar parkini shakllantirib borish sohasida:

server va hisoblash qurilmalarini samarali va xavfsiz ishlashini taʼminlash uchun mutanosib muhandislik infratuzilmasini joriy qilish bo‘yicha talab va ehtiyoj hisobini yuritadi va qondirish choralarini ko‘radi;

axborot tizimlarini samarali va uzluksiz ishlashini taʼminlash uchun mutanosib infratuzilmani joriy qilish bo‘yicha texnik resursga bo‘lgan talab va ehtiyoj hisobini yuritadi va qondirish choralarini ko‘radi;

axborot xavfsizligi tizim va qurilmalarini doimiy ravishda modernizatsiya qilib boradi.

4. Korxona O‘zbekiston Respublikasi qonunchilik hujjatlarida taqiqlanmagan faoliyatning boshqa turlarini ham amalga oshirishi mumkin.