Oʼzbekiston Respublikasi soliq siyosatini takomillashtirishning asosiy yoʼnalishlarini va 2017 — 2021 yillarda Oʼzbekiston Respublikasini rivojlantirishning beshta ustuvor yoʼnalishi boʼyicha

 Harakatlar strategiyasida belgilangan vazifalarni amalga oshirish maqsadida qabul qilingan Oʼzbekiston Respublikasi Prezidentining qarori.

Аsosiy maqsad:

• davlat soliq xizmati organlarini soliq toʼlovchilarning biznes-hamkori va maslahatchisi sifatidagi yangi imidjini yaratish orqali xizmat koʼrsatishga yoʼnaltirilgan idoraga aylantirish, har bir xodim tomonidan «Soliq xizmati — insofli soliq toʼlovchilarning ishonchli hamkori» degan maqsadli vazifani soʼzsiz bajarish;

• eksterritoriallik printsipi asosida soliq toʼlovchilar oʼz soliq majburiyatlarini ixtiyoriy bajarishi, biznesni qonuniy, shaffof va qulay yuritish uchun maqbul shart-sharoitlar yaratish, soliq toʼlovchilarning qoniqish darajasining oshishini taʼminlash;

• uchinchidan, soliq maʼmuriyatchiligi va nazoratining mutlaqo yangi tizimini yaratish, shuningdek, korrupsiyaviy omillarga yoʼl qoʼymaslik boʼyicha preventiv va oldini olish choralarini qoʼllash.

Soliq tizimini yanada takomillashtirish, iqtisodiyotda xufiyona aylanmani qisqartirish va Oʼzbekiston Respublikasi soliq siyosatini takomillashtirish konsepsiyasining asosiy yoʼnalishlarini amalga oshirish maqsadida 2020 yil 1 yanvardan boshlab:

• qo'shilgan qiymat soligʼini toʼlashga oʼtadigan yuridik shaxslar va yakka tartibdagi tadbirkorlar davlat soliq xizmati organlarida ushbu soliqning toʼlovchisi sifatida majburiy hisobga olinadi va bu qoʼshilgan qiymat soligʼi summasini hisobga olishning sharti hisoblanadi;

• qo'shilgan qiymat soligʼini toʼlashga oʼtishda ushbu soliq summasi qoʼshilgan qiymat soligʼini toʼlashga oʼtilgan sanadan avvalgi oxirgi 12 oyda xarid qilingan tovar-moddiy zaxiralarning tasdiqlangan qoldiqlari boʼyicha realizatsiya hajmiga mos keladigan ulushda hisobga olinadi;

• qo'shilgan qiymat soligʼini toʼlashga oʼtish yoki yagona soliq toʼlovini toʼlashni rad etish toʼgʼrisidagi xabarnoma qoʼshilgan qiymat soligʼini toʼlashga oʼtiladigan oy boshlanishidan oldin oʼn ish kunidan kechiktirmasdan taqdim etiladi.

Soliq maʼmuriyatchiligini takomillashtirish strategiyasini amalga oshirish boʼyicha
«YO'L XАRITАSI»

  lex.uz PQ-4389-son 10.07.2019