"Янги технологиялар" илмий-ахборот маркази ДУК

Фойда олиш, муассиснинг топшириқларини ўз вақтида бажарилишини таъминлаш, шунингдек ушбу уставда кўрсатилган бошқа ишларни бажариш ва хизматлар кўрсатиш корхона фаолиятининг мақсади ҳисобланади.

Қуйидагилар корхона фаолиятининг асосий вазифалари ҳисобланади:

давлат солиқ хизмати органларининг ягона интеграциялаштирилган ахборот-ресурс базасининг дастурий таъминотини ишлаб чиқиш, яратиш ва жорий қилиш;

миллий ахборот-ҳисоблаш тармоғининг кичик тизимини барпо этиш мақсадида давлат солиқ хизмати органларининг ягона интеграциялаштирилган ахборот-ресурс базасини давлат муассасалари ва банкларнинг автоматлаштирилган ахборот тизимлари билан бирлаштириш;

тизимли техникавий мажмуаларни, шу жумладан, электрон шаклда давлат солиқ хизмати органлари томонидан молиявий, солиқ ва бошқа ҳисоботларни қабул қилиш ва дастлабки ишлов бериш бўйича дастурий таъминотлар яратиш ва амалга жорий қилиш;

бошқа субъектлар томонидан ишлаб чиқилган техник топшириқлар ва дастурий таъминотларни Давлат солиқ қўмитасида мавжуд тизимларга мослигини ўрганиш ва таҳлил қилиш;

электрон рақамли имзонинг ёпиқ ва очиқ калитларини яратиш, уларга сертификатлар бериш, шунингдек солиқ тўловчиларнинг электрон рақамли имзоларини тасдиқловчи Корхонанинг идоравий инфратузилмасини ва унинг бошқа корхоналар билан ўзаро узвийлигини шакллантириш;

меъёрий-ҳуқуқий базани ишлаб чиқиш ва шакллантиришда, дастурий-техник инфратузилмаларни яратиш ҳамда такомиллаштириш, давлат солиқ хизмати органларида маълумотларга ишлов бериш жараёнини автоматлаштириш бўйича ташкилий масалалар ҳал этилишида иштирок этиш;

янги технологияларни ўргатиш ва жорий қилиш бўйича сертификатлар бериладиган ўқув курсларини ташкил этиш;

давлат солиқ хизмати органлари ва хўжалик юритувчи субъектлар ўртасида электрон шаклдаги ўзаро маълумотларни алмашиш тизимидан фойдаланиши тизимини яратиш ва жорий қилиш, давлат солиқ хизмати органлари ходимларини ва солиқ тўловчиларни ўқитиш;

замонавий таълим жараёни талабларига жавоб берадиган кадрларни тайёрлаш ва қайта тайёрлаш, малака ошириш тизимини яратиш ҳамда ўқув курсларини ташкил этиш;

янги технологиялар ва маълумотларга ишлов бериш усулларидан фойдаланиш, тажриба алмашиш бўйича мавзули семинарларни, шу жумладан, республика минтақаларида ташкил этиш ва ўтказиш;

давлат ва хўжалик бошқаруви органларига, барча юридик шахсларга, шу жумладан, хорижий ташкилотларга шартнома асосида дастурий таъминотлар ишлаб чиқиш;

белгиланган тартибда ахборот технологиялари соҳасидаги йирик давлат лойиҳаларининг шартнома асосдаги тизимли интеграциясини ишлаб чиқишда иштирок этиш;

замонавий ҳисоблаш техникаси ва математик-иқтисодиёт усулларидан фойдаланиб, солиқ ва иқтисодиёт маълумотларига ишлов беришда фан ва техника ютуқларидан фойдаланиб, маҳаллий ва хорижий тажрибаларни таҳлил қилиш, баҳолаш, таққослаш ва умумлаштириш юзасидан илмий-тадқиқот, изланиш ва конструкторлик-лойиҳа ишларини амалга ошириш;

махфий ҳисобланган ҳужжатлар ва маълумотларнинг сақланишини ҳамда рухсат берилмаган шахсларга фойдаланишдан ҳимоя қилишни таъминланишга оид дастурий маҳсуллар яратиш;

ходимларни ижтимоий ҳимоя қилиш тизимини ишлаб чиқиш ва уни такомиллаштириб бориш;

қонунчиликда тақиқланмаган бошқа барча фаолият турлари билан шуғулланиш.

Корхона лицензияланадиган фаолият турлари билан белгиланган тартибда рухсат олингандан сўнг шуғулланади.

СИАИЖ қуйидаги асосий вазифаларни бажаради:

1) солиқ тўловчилар - юридик шахслар рўйхатга олинади;

2) корхоналарнинг ягона реестрини юритади;

3) солиқ тўловчиларнинг шахсий карточкаларини юритади;

4) банк ҳужжатларини қайта ишланади;

5) турли статистик ҳисоботлар олинади;

6) текширув далолатномалари юритилади;

7) солиқ тўловчиларнинг бюджет билан ҳисоб-китобларини амалга оширилади;

8) солиқ тўловчилар билан солиштирма далолатномаларини бажариш;

9) рўйхатга олиш бўйича турли ҳисоботларни шакллантириш;

10) инкассо топшириқномалари ва хулосалари билан ишлаш.