ish yuritish hujjatlarining davlat tilida, lotin yozuviga asoslangan o‘zbek alifbosida yuritilishi borasida amalga oshirilayotgan ishlarni monitoring qilish va bu borada aniqlangan kamchiliklarni bartaraf etish yuzasidan takliflar kiritish;

hududlardagi barcha tashqi yozuvlar, shu jumladan, lavhalar, e’lonlar, reklama va ko‘rgazmali boshqa axborot matnlari, tashqi reklama materiallarining davlat tili va reklama to‘g‘risidagi qonun hujjatlariga muvofiq bo‘lishini ta’minlashda ishtirok etish;

davlat tilini rivojlantirishga oid ilmiy-tadqiqot ishlarini qo‘llab-quvvatlash, ilmiy asoslangan yangi so‘z va atamalarni iste’molga kiritish, zamonaviy atamalarning o‘zbekona muqobillarini yaratish bo‘yicha takliflar kiritish. 

Oʻzbekiston Respublikasi Konstitutsiyasi va qonunlari, shuningdek, boshqa normativ-huquqiy hujjatlar talablariga rioya etish;

Qoʻmitaning mutasaddilik qilinadigan tarkibiy tuzilmalari faoliyatini muvofiqlashtirish, nazorat qilish va ularga bevosita rahbarlik qilish, ularning xodimlari oʻrtasida vazifalarni taqsimlash;

Oʻzbekiston Respublikasi Prezidenti va Oʻzbekiston Respublikasi Vazirlar Mahkamasi qarorlari hamda topshiriqlari ijrosini taʼminlash;

Qoʻmita Raisiga interaktiv axborot xizmatlari samaradorligi, sifati va ulardan erkin foydalanishni oshirishga doir takliflar kiritish;

Davlat sirlariga kiritilgan axborot va maxfiy axborot bilan ishlashda qonunchilik hujjatlari talablariga rioya qilish.

Davlat budjeti va davlat maqsadli jamg‘armalariga tushumlarni prognozlashtirish mexanizmi va dasturiy mahsulini ishlab chiqish va takomillashtirish.

Hisobot davrida (oy, chorak, yil) budjetga va davlat maqsadli jamg‘armalariga kutilayotgan tushumlarni hisob-kitob qilish va prognoz ko‘rsatkichlarining bajarilmaslik xavfini oldini olish uchun tegishli tuzilmalarga topshiriqlar chiqarish.

Makroiqtisodiy ko‘rsatkichlar dinamikasi va hududlarning soliq salohiyatini tizimli tahlil qilish orqali tushumlarni ko‘paytirish chora-tadbirlarni ishlab chiqish.

Moliya vazirligi bilan hamkorlikda tushumlar hisobining Davlat byudjeti daromadlar tasnifiga mos yuritilishini ta’minlash.

Davlat reestridan chiqarilgan korxonalarning soliq qarzlari yoki ortiqcha to‘lovlarini qisqartirish borasida boshqa tuzilmalarni jalb qilgan holda bartaraf qilinishini ta’minlash.

Davlat soliq xizmati organlarida soliq to‘lovchilarning shaxsiy kartochkalarini amaldagi qonunchilikka muvofiq yuritilishini ta’minlash.

Soliqqa oid normativ-huquqiy hujjatlar ishlab chiqish va soliq to‘g‘risidagi qonun hujjatlarini yanada takomillashtirish;

vazirlik va idoralar tomonidan ishlab chiqilgan normativ-huquqiy hujjatlar loyihalarini ko‘rib chiqish va soliq solish masalalari bo‘yicha Qo‘mitaning tegishli takliflarini ishlab chiqilishini ta’minlaydi;

davlat soliq xizmati organlari tomonidan soliq solish bo‘yicha maslahatlar berish borasida tizimli ishlarni tashkil etish va ushbu yo‘nalishda yagona siyosatni yuritilishini ta’minlash;

soliq to‘g‘risidagi qonun hujjatlarining mazmun-mohiyati va soliq solish masalalari bo‘yicha davlat soliq xizmati organlari xodimlariga va soliq to‘lovchilarga rasmiy tushuntirishlar berilishini ta’minlaydi;

quyi turuvchi hududiy bo‘linmalarning faoliyatini muvofiqlashtiradi va va mazkur yo‘nalishda ularning faoliyatini nazorat qiladi hamda ularga yuklatilgan vazifalarni o‘z vaqtida va to‘liq bajarilishini ta’minlash maqsadida vertikal nazoratni amalga oshiradi.

Davlat soliq xizmati organlarida yuridik shaxslarni ro‘yxatga olinishini tashkillashtirish va nazorat qilish.

Soliq to‘lovchilarning soliq solish tartibini belgilash va ularga tegishli shaxsiy kartochkalar ochilishi ta’minlash.

Soliq to‘lovchilar tomonidan taqdim etilgan elektron va qog‘oz shaklidagi soliq va moliyaviy hisobotlarini, auditorlik xulosalarini qabul qilib olish va ma’lumotlar bazasiga kiritilishini ta’minlash.

Soliq hisobotlarini taqdim etmagan yoki muddatida taqdim etmagan, shuningdek, qayd etilgan manzilda bo‘lmagan yuridik shaxslarning bankdagi hisob raqamlarini to‘xtatib turish, choralarini ko‘rish hamda tegishli tarkibiy tuzilma tomonidan ularning mas’ullariga nisbatan ma’muriy choralar ko‘rilishini nazorat qilish.

Yuridik shaxslarning normativ muddatda tugallanmagan qurilish ob’ektlariga, bo‘sh turgan binolariga, yashash uchun mo‘ljallanmagan inshootlarga, shuningdek foydalanilmayotgan ishlab chiqarish maydonlariga qonunchilikda belgilangan tartibda soliqlarni hisoblanishini ta’minlash.

Soliq to‘lashdan qasddan bo‘yin tovlamagan, lekin soliq majburiyatini bajarish muddati o‘tgan xo‘jalik yurituvchi sub’ektlarni majburiyatlarini bajarish yuzasidan eslatish orqali xizmatlar ko‘rsatish.

Davlat bojini undiradigan davlat organlari va tashkilotlaridan davlat bojlarining hisob-kitoblari taqdim etilishini va ularning hisobini yuritilishini ta’minlash.

Er qa’ridan foydalanuvchilar tomonidan haqiqatda qazib olingan (ajratib olingan) noruda foydali qazilmalar hajmini aniqlash maqsadida marksheyderlik xizmati ko‘rsatuvchi tashkilotlarni jalb qilgan holda monitoring o‘tkazib borish va hisobini yuritish.

Marksheyderlik xulosalaridagi ma’lumotlar korxonalar hisobotidagi ma’lumotlarga mos kelishini nazorat qilish uchun ma’lumotlarni kameral nazoratni amalga oshiruvchi tuzilmaga o‘tkazish, byudjet va maqsadli jamg‘armalarga qo‘shimcha hisoblangan va undirilgan mablag‘lar hisobini yuritish.

Soliq va moliyaviy hisobot shakllarini soddalashtirish, ularni to‘ldirilishida yo‘l qo‘yilayotgan kamchiliklarni avtomatik ko‘rsatish imkoniyatlarini kengaytirish orqali soliq to‘lovchilarga qulay sharoit yaratish va ularga belgilangan soliq majburiyatlarini bajarishlarida amaliy yordam ko‘rsatish.

Davlat soliq xizmati organlari faoliyatining ochiqligi va shaffofligini ta’minlash borasida xorijiy tajribalarni joriy etish choralarini ko‘rish.

O'zbekiston Respublikasi Moliya vazirligi hamda boshqa vazirliklar va idoralar bilan birgalikda soliq to‘g‘risidagi qonun hujjatlariga muvofiq soliq solish masalalari bo‘yicha normativ-huquqiy hujjatlar loyihalari ishlab chiqish.

Soliqlar va boshqa majburiy to‘lovlarning o‘z vaqtida va to‘liq to‘lanishini ta’minlash uchun yuridik shaxslarga xizmat ko‘rsatish sifatini oshirish orqali ularning soliq majburiyatlarini ixtiyoriy bajarishlari uchun shart-sharoit yaratilishini ta’minlash.

Har ikki yilda ko‘pi bilan bir marta davlat soliq xizmati hududiy organlari hamda Yirik soliq to‘lovchilar bo‘yicha hududlararo davlat soliq inspektsiyasining byudjet va xo‘jalik faoliyati bo‘yicha xarajatlar smetalari ijrosi yuzasidan taftishni amalga oshirish.

Zarur hollarda Qo‘mita rahbariyatining alohida ko‘rsatmasi yoki topshirig‘iga asosan Qo‘mita tarkibidagi organlar va tashkilotlarning moliya-xo‘jalik faoliyatini navbatdan tashqari taftishdan o‘tkazish.

Qo‘mita tarkibidagi organlar va tashkilotlarning moliya-xo‘jalik faoliyati yuzasidan tahlillar o‘tkazib borish.

Xodimlar tomonidan funktsional majburiyatlar qay darajada ijro etilayotganligini, soliq qonunchiligi nazoratini tashkil etishda hamda boshqa majburiyatlarni bajarilishi borasida amalga oshirilayotgan ishlarni o‘rganish.

Qo‘mita tarkibidagi organlar va tashkilotlar faoliyatida qonun buzilishiga yo‘l qo‘yilgan holatlar to‘g‘risida shikoyat, ariza, taqdimnoma va boshqa ma’lumotlar kelib tushganda ushbu holatlar yuzasidan tekshirish va o‘rganishlar o‘tkazish.

O'tkazilgan tekshirish (taftish) va o‘rganishlar natijasida aniqlangan kamchiliklarni bartaraf etish hamda kelgusida takrorlanishining oldini olish bo‘yicha tegishli davlat soliq xizmati organlari tomonidan chora-tadbirlar ishlab chiqilishini va bajarilishini nazorat qilish.

O'tkazilgan tekshirish (taftish) va o‘rganishlar natijalari bo‘yicha aniqlangan tizimli ravishda yo‘l qo‘yilayotgan qoidabuzarlik va kamchiliklarning kelib chiqish sabablarini aniqlash hamda bunday holatlarga yo‘l qo‘ygan mansabdor shaxslarning mas’uliyatini oshirish yuzasidan takliflar kiritish.

Departament direktori oʻziga yuklangan vazifalarga muvofiq quyidagi funksiyalarni amalga oshiradi:

departamentga rahbarlik qiladi, departamentda ish faoliyatni tashkil etadi, vazifalarning oʻz vaqtida bajarilishini taʼminlash yoʻnalishida:

departamentga ijro uchun kelib tushgan topshiriqlar, xatlar, murojaatlar va boshqa hujjatlarni koʻrib chiqadi, ularni oʻzaro taqsimlaydi, belgilangan muddatlarda bajarilishini nazorat qiladi;

bevosita oʻzi ijrosidagi topshiriqlarni departament hamda qoʻmitaning boshqa tuzilmalari xodimlari bilan hamkorlikda bajarilishini taʼminlaydi;

muammoli va murakkab topshiriqlar ijrosini taʼminlashda xodimlarga koʻmaklashadi, zarurat tugʻilganda ularni Rahbariyat bilan maslahatlashgan holda koʻrib chiqadi;

xodimlarga beriladigan mukofotlar, toʻlovlar, ustamalar boʻyicha hamda xodimlarga nisbatan chora koʻrish toʻgʻrisida takliflar kiritish yoʻnalishida:

departament xodimlariga beriladigan mukofotlar, qoʻshimcha toʻlovlar, ustama koeffitsiyentlari, ragʻbatlantirish hamda moddiy yordam miqdori va shakllari boʻyicha belgilangan tartibda rahbariyatga takliflar kiritadi;

zimmasiga yuklatilgan vazifalarni lozim darajada bajarmagan yoki muddatida ijrosini taʼminlamagan departament xodimlariga nisbatan chora koʻrish toʻgʻrisida rahbariyatga takliflar kiritadi;

axborot-kommunikatsiya texnologiyalari sohasiga oid boʻlgan normativ-huquqiy hujjatlar, loyihalar, takliflar ishlab chiqish yoʻnalishida:

axborot-kommunikatsiya texnologiyalari sohasiga oid boʻlgan normativ-huquqiy hujjatlar, loyihalar, takliflar ishlab chiqish va takomillashtirish choralarini koʻradi, rahbarlik qiladi;

vazirlik va idoralar tomonidan taqdim etilgan axborot-kommunikatsiya texnologiyalariga oid loyihalar yuzasidan takliflar ishlab chiqilishiga rahbarlik qiladi;

qoʻmitaning tegishli tuzilmalari bilan birgalikda axborot tizimlarini sozlash va ishga tushirish yuzasidan uslubiy qoʻllanmalar ishlab chiqishga koʻmaklashadi;

soliq organlari faoliyatiga zamonaviy axborot-kommunikatsiya texnologiyalarini joriy etish yoʻnalishida:

soliq organlari faoliyatiga zamonaviy axborot-kommunikatsiya texnologiyalarini joriy etishni tashkillashtiradi;

qoʻmitaning tegishli tuzilmalari bilan hamkorlikda soliq toʻlovchilar va soliq obyektlariga oid axborotlarni qabul qilish, uzatish va saqlash jarayonlarini avtomatlashtirish choralarini koʻradi;

Davlat soliq qoʻmitasining maʼlumotlar qayta ishlash markazini modernizatsiyalash jarayonlarini tashkillashtirishda ishtirok etadi;

soliq organlarida axborot texnologiyalari va kommunikatsiyalari sohasida boshqaruvni takomillashtirish, elektron davlat xizmatlari turlarini kengaytirishda bevosita ishtirok etadi;

qoʻmita Yagona integratsiyalashtirilgan axborot resurs bazasining uzluksiz ishlashini tashkil qilish yoʻnalishida:

Yagona integratsiyalashtirilgan axborot resurs bazasining uzluksiz ishlashini hamda maʼlumotlar bazalarining arxiv nusxalari koʻrinishida yuritilishini Rahbariyat va Soliq maʼlumotlarini qayta ishlash markazi direktori bilan birgalikda tashkil qiladi;

qoʻmitaning axborot tizimlari va interaktiv xizmatlarining texnik jihatdan uzluksiz ishlashini tashkillashtiradi va nazorat qiladi;

hududiy soliq organlariga yuklatilgan vazifalarning bajarilishini taʼminlash maqsadida vertikal nazoratni amalga oshirish yoʻnalishida:

yuklatilgan vazifalarni hududiy soliq organlari tomonidan oʻz vaqtida va toʻliq bajarilishini taʼminlash maqsadida vertikal nazoratni amalga oshiradi.

departamentning hududiy boʻlinmalari boshliqlari va xodimlarini lavozimga tayinlash va lavozimidan ozod qilish yuzasidan rahbariyatga tavsiyalar kiritadi.

Vazirliklar va idoralar, hududlar, sohalar hamda soliq turlari kesimida soliqlar va boshqa majburiy to‘lovlar bo‘yicha qarzdorliklar hisobini yuritish.

Soliq qarzining tarkibi, dinamikasi, hosil bo‘lish sabablari va davri hamda uning o‘sish sur’atlarini tahlil qilish.

Soliq to‘lovchilarga soliq qarzini uzish to‘g‘risidagi talabnomalarni etkazilishi ta’minlash.

Soliq qarzini undirish maqsadida soliq to‘lovchining bankdagi hisobvaraqlariga to‘lov topshiriqnomalarini yoki inkasso topshiriqnomalarini belgilangan muddatlarda to‘liq qo‘yilishini ta’minlash.

Soliq qarzini majburiy tartibda undiruvini soliq to‘lovchiga uning debitorlaridan o‘tkazilishi lozim bo‘lgan summalarga qaratish choralarini ko‘rish.

to‘lov muddati uzaytirilgan soliq qarzi hisobini yuritadi vabelgilangan tartibda undirish choralarini ko‘rish.

Soliq qarzi undiruvini soliq to‘lovchining mol-mulkiga qaratish uchun sudga arizalar kiritilishini ta’minlash.

Bankrotlik ishini ochish yuzasidan kiritilgan arizalar bo‘yicha sud jarayonlarida hamda bankrotlik jarayonida kreditor sifatida ishtirok etish, shuningdek kreditorlar yig‘ilishida bankrotlik jarayonining olib borilishi bo‘yicha davlat (byudjet) manfaatlarini himoya qilish.

Bankrotlik jarayonida tugatish boshqaruvchisi tomonidan Vazirlar Mahkamasining 2013 yil 14 avgustdagi 224-sonli “Soxta bankrotlik, bankrotlikni yashirish va qasddan bankrotlikka olib kelish alomatlarini aniqlash qoidalarini tasdiqlash to‘g‘risida” gi qarori talablariga muvofiq xulosalar kiritilishini kreditor sifatida nazorat qilish va hisobini yuritish.

Umidsiz soliq qarzini hisobini yuritish va qonun hujjatlarida belgilangan tartibda hisobdan chiqarish choralarini ko‘radi hamda hisobini yuritish.

Barcha pog‘onadagi davlat soliq xizmati organlarida soliq qarzini majburiy tartibda undirish yuzasidan amalga oshiriladigan tadbirlarning yagona shakl va tartiblar asosida yuritilishini hamda ushbu tadbirlar hisobini avtomatik tarzda yurituvchi dasturiy mahsulotni ishlab chiqib amaliyotga joriy qilinishini ta’minlash.

Soliq qarzini to‘lashdan qochish sxemalarini aniqlash vaoldini olish borasida aniq chora-tadbirlar belgilash.

Soliq qarzini majburiy tartibda undirish, umidsiz soliq qarzini hisobdan chiqarish, to‘lov muddatini uzaytirish hamda bankrotlikka doir ish yuritish borasida amalga oshirilayotgan tadbirlarning to‘laqonligi o‘tkazilayotganligi yuzasidan joyiga chiqqan holda o‘rganishlar o‘tkazish, mavjud muammolarni aniqlaydi va ularni bartaraf etilishini ta’minlash.

Soliq to‘lovchilarning murojaatlariga asosan belgilangan tartib asosida ularga soliq ta’tillarini berish va hisobini yuritish.