Tashqi savdo operatsiyalari ustidan monitoring olib borish

Bosqichlar		Sub'ektlar		Tadbirlar		Muddatlar
1-bosqich				Tashqi savdo operatsiyalarining yagona elektron axborot tizimiga (TSOYAEAT):
		1. Xoʻjalik yurituvchi sub'ekt*		1. Tuzilgan tashqi savdo kontraktlari va invoyslarni;		1. Tashqi savdo operatsiyalari boshlanguniga qadar
		2. Birja (yarmarka)		2. Birja (yarmarka)da tuzilgan kontraktlarni kiritish.		2. Kontrakt birja (yarmarkada) tuzilgandan soʻng 1 ish kuni mobaynida
2-bosqich		Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi huzuridagi «Loyihalar va import kontraktlarini kompleks ekspertiza qilish markazi» DUK (qonunchilikda belgilangan hollarda)*		Import kontraklarini kompleks ekspertiza qilish.*		20 kun ichida*
				TSOYAEATga valyuta va tovarlar xarakati toʻgʻrisidagi ma'lumotlarni:
		1. Tijorat banklari, G‘aznachilik boʻlinmalari, tovar-xomashyo birjasi		1. Kontrakt va invoyslar boʻyicha valyuta mablagʻlarning harakati toʻgʻrisida axborotlarni;		1. Hisob-kitoblar amalga oshirilganda onlayn tarzda kelib tushadi
		2. Davlat bojxona xizmati organlari		2. Kontrakt va invoys boʻyicha bojxona yuk deklaratsiyasi ma'lumotlarini;		2. Tovarlar tushganda yoki yuklab joʻnatilganda onlayn tarzda kelib tushadi
		3. Xoʻjalik yurituvchi sub'ektlar		3. Ishlar va xizmatlar dalolatnomasini kiritish.		3. Dalolatnoma tuzilgan kunda 1 kun ichida
3-bosqich		Valyutani nazorat qiluvchi organlar va tijorat banklari		Amalga oshirilgan tashqi savdo operatsiyalari ustidan taalluqliligi boʻyicha oʻz vakolati doirasida monitoring va nazoratni amalga oshirish.		Doimo
4-bosqich		Davlat bojxona xizmati organlari va tijorat banklari		Bojxona va valyuta qonunchiligi, hisob-kitoblarni amalga oshirish tartibi buzilishi alomatlari aniqlanganda axborotni soliq organlariga taqdim etish.		Holatlar aniqlanganda har oy yakuni boʻyicha

*Izoh: Oʻzbekiston Respublikasi Prezidentining «Loyihaoldi, loyiha, tender hujjatlari va kontraktlarni ekspertizadan oʻtkazish tartibini takomillashtirish chora-tadbirlari toʻgʻrisida» 2018 yil 20 fevraldagi PQ-3550-son qarorida belgilgan tartibda kontraktlar ekspertizadan oʻtkaziladi.

Yuqoridagi sxemaga muvofiq Tashqi savdo operatsiyalarining yagona elektron axborot tizimi orqali xoʻjalik yurituvchi sub'ektlar tomonidan tuzilgan tashqi savdo kontraktlarining bajarilishi va xoʻjalik yurituvchi sub'ektlar, bojxona va soliq organlari, Markaziy va tijorat banklari oʻrtasida ma'lumot almashinuvini ta'minlash uchun tashqi savdo operatsiyalarini monitoring qilish tizimi joriy etilgan.

Muddati oʻtgan debitor qarzdorlikka yoʻl qoʻyganligi uchun Oʻzbekiston Respublikasining Ma'muriy javobgarlik toʻgʻrisidagi kodeksining 171-moddasi 3-qismi bilan xoʻjalik yurituvchi sub'ektlarning mansabdor shaxslarga bazaviy hisoblash miqdorining sakkiz baravaridan oʻn ikki baravarigacha miqdorda jarima solishga sabab boʻladi.

Bundan tashqari, tashqi savdo kontraktlari boʻyicha aktivlar repatriatsiya qilinishini (chet eldan xorijiy valyutadagi mablagʻlar kelib tushishini yoki belgilangan bojxona rejimlarida tovarlar respublikaga olib kirilishi va rasmiylashtirilishini, ishlar bajarilishi va xizmatlar koʻrsatilishini yoki pul mablagʻlarining qaytarilishini) belgilangan muddatlar tugagandan keyin 30 bank ish kuni (kichik biznes va xususiy tadbirkorlik sub'ektlari uchun — 60 bank ish kuni) mobaynida ta'minlamagan xoʻjalik yurituvchi sub'ektlar:

180 kungacha kechikkanda — tushmagan valyuta mablagʻlari yoki «erkin muomalaga chiqarish (import)» bojxona rejimida rasmiylashtirilmagan tovarlar, shuningdek, bajarilmagan ishlar yoki koʻrsatilmagan xizmatlar summasining 10 foiziga teng miqdorda;

180 kundan 365 kungacha kechikkanda — tushmagan valyuta mablagʻlari yoki «erkin muomalaga chiqarish (import)» bojxona rejimida rasmiylashtirilmagan tovarlar, shuningdek bajarilmagan ishlar yoki koʻrsatilmagan xizmatlar summasining 20 foiziga teng miqdorda qoʻshimcha;

365 kundan ortiq kechikkanda — tushmagan valyuta mablagʻlari yoki «erkin muomalaga chiqarish (import)» bojxona rejimida rasmiylashtirilmagan tovarlar, shuningdek bajarilmagan ishlar yoki koʻrsatilmagan xizmatlar summasining 70 foiziga teng miqdorda respublika byudjeti daromadiga qoʻshimcha jarima toʻlaydilar.

Quyidagi hollarda xoʻjalik yurituvchi sub'ektlarga tashqi savdo operatsiyalari boʻyicha muddati oʻtgan debitor qarzdorlik uchun jarima qoʻllanilmaydi:

jarima qoʻllash haqidagi arizada koʻrsatilgan kontraktlar boʻyicha «Valyutani tartibga solish toʻgʻrisida»gi Oʻzbekiston Respublikasi Qonuni talablariga muvofiq toʻliq yoki qisman repatriatsiya qilingan aktivlar summasiga nisbatan;

asbob-uskunalar va (yoki) butlovchi buyumlar etkazib berish boʻyicha import kontraktlari shartlarida asbob-uskunalar va (yoki) butlovchi buyumlarni etkazib berish, shu jumladan ularni uzoq muddatli ijaraga berish muddati ularning texnik xususiyatlari va oʻziga xosligidan kelib chiqqan holda 180 kalendar kundan ortiq belgilangan boʻlsa;

chet eldagi korxona nomiga olib chiqilgan hamda transportda tashish va saqlash jarayonida eksportchiga va chet eldagi korxonaga bogʻliq boʻlmagan sabablarga koʻra yaroqsiz boʻlib qolgan yoki import qiluvchi davlat organi tomonidan musodara qilingan tovarlarga tegishli vakolatli organning ekspertizasi dalolatnomasi va (yoki) tovarlar turgan mamlakat bojxona organining bojxona nazorati ostida ularning yoʻq qilinganligi yoki musodara qilinganligi toʻgʻrisidagi tasdiqnomasi taqdim etilganda;

ayni bir qarzdorlik predmeti va tovarlarning (ishlar, xizmatlarning) amaldagi eksport va import hajmi boʻyicha takroriy jarimalar;

eksport operatsiyalari boʻyicha muddati oʻtgan debitor qarzdorlikning umumiy summasi muddati oʻtgan debitor qarzdorlik yuzaga kelgan sanadan oldingi 36 oy davomida ta'minlangan valyuta tushumining 10 foizidan ortiq boʻlmagan holatlarda.

Yuridik shaxs — Oʻzbekiston Respublikasi rezidentining oxirgi hisobot sanasidagi joriy aktivlari summasining 20 foizidan ortiq boʻlgan jarima sanktsiyalarini undirish unga undiriladigan summani undirish toʻgʻrisida qaror qabul qilingan kundan boshlab 6 oy mobaynida toʻlovlarni har oyda boʻlib-boʻlib toʻlash imkonini bergan holda amalga oshiriladi.

Oʻzbekiston Respublikasi Vazirlar Mahkamasining 2021 yil 14 apreldagi “Tashqi savdo operatsiyalarining yagona elektron axborot tizimidan umidsiz qarzdorliklarni hisobdan chiqarish tartibi toʻgʻrisidagi nizomni tasdiqlash haqida”gi 216-sonli qarori bilan “Tashqi savdo operatsiyalarining yagona elektron axborot tizimidan umidsiz qarzdorliklarni hisobdan chiqarish tartibi toʻgʻrisida” Nizom tasdiqlangan.

Bosqichlar			Sub'ektlar		Tadbirlar		Muddatlar
1-bosqich			Markaziy bank		Hukumat komissiyasi va hududiy komissiyalarga eksport va import shartnomalari boʻyicha muddati oʻtgan debitor va kreditor qarzdorliklar toʻgʻrisidagi ma'lumotlarni taqdim etish.		Har oyning 10-sanasiga qadar
2-bosqich			Hududiy komissiyalar		1. Qarzdorliklar toʻgʻrisidagi ma'lumotlarni xoʻjalik yurituvchi sub'ektlar kesimida puxta va manzilli oʻrganib chiqish, jumladan, ularning asosliligini tekshirish, qarzdorlik yuzaga kelishining huquqiy asoslarini tahlil qilish. Bunda asoslangan debitor qarzdorlik haqidagi ma'lumotlarni toʻliq holda tegishli hujjatlar* bilan birgalikda Tashqi ishlar vazirligiga kiritiladi. 2. Xoʻjalik yurituvchi sub'ektlarning mazkur Nizomning 5-bandida nazarda tutilgan qarzdorliklarini (Tashqi ishlar vazirligi tomonidan oʻrganilayotgan ma'lumotlardan tashqari) TSOYAEATdan chiqarish yuzasidan qabul qilingan xulosalarni Davlat soliq qoʻmitasiga taqdim etish.		Har oyning 20-sanasiga qadar
			Tashqi ishlar vazirligi		1. Asoslangan debitor qarzdorliklar toʻgʻrisidagi ma'lumotlarni Oʻzbekistonning xorijdagi tegishli diplomatik vakolatxonalari (elchixonalar va konsullik muassasalari) orqali xorijiy mamlakatlarning vakolatli organlariga etkazish va amaliy yordam berish choralarini koʻrish. 2. Chet eldagi korxonaga bogʻliq boʻlmagan sabablarga koʻra yaroqsiz boʻlib qolgan yoki import qiluvchi davlat organi tomonidan musodara qilingan yoxud bojxona nazorati ostida yoʻq qilingan tovarlarga xorijdagi tegishli vakolatli organlar tomonidan zarur hujjatlar xoʻjalik yurituvchi sub'ektlarga taqdim etilishida koʻmaklashish. 3. Amalga oshirilgan ishlar haqida tegishli hududiy komissiyaga ma'lumotlarni taqdim etib borish.		Har oyning 1-sanasiga qadar
			Hududiy komissiyalar		Tashqi ishlar vazirligi tomonidan taqdim etilgan ma'lumotlar yuzasidan qabul qilingan xulosalarni Davlat soliq qoʻmitasiga taqdim etish.		Har oyning 5-sanasiga qadar
3-bosqich			Davlat soliq qoʻmitasi		TSOYAEATdan qarzdorliklarni chiqarish boʻyicha takliflar ishlab chiqish va Hukumat komissiyasiga tegishli qaror qabl qilish uchun kiritish.		Har oyning 10-sanasiga qadar
4-bosqich			Hukumat komissiyasi		1. Davlat soliq qoʻmitasi takliflari asosida qarzdorliklarni TSOYAEATdan chiqarish toʻgʻrisida qaror qabul qilish. 2. Qabul qilingan qaror ijrosini ta'minlash uchun Davlat soliq qoʻmitasiga yuborish.		Har oyda bir marta
5-bosqich			Davlat soliq qoʻmitasi		Hukumat komissiyasi qarorini tegishli tijorat banklariga etkazish.		Qaror qabul qilinganidan keyin 5 kalendar kun davomida
6-bosqich			Tijorat banklari		Hukumat komissiyasining qarorlari asosida qarzdorliklarni TSOYAEATdan hisobdan chiqarish.		Hukumat komissiyasining qarori kelib tushgan kundan boshlab bir ish kuni davomida

* — tasdiqlangan solishtirma dalolatnoma;

xoʻjalik yurituvchi sub'ekt tomonidan qarzdorlik mavjudligi yuzasidan imzolangan tasdiqnoma;

xorijiy hamkorga shartnoma shartlari bajarilmaganligi yuzasidan e'tiroznoma va da'vo arizasi;

shartnoma nusxasi;

mahalliy va xorijiy hamkorning aloqa manzillari;

sud qarorlari;

soliq toʻlovchining identifikatsiya raqami (STIR);

tashqi savdo shartnomasining identifikatsiya raqami;

yuzaga kelgan muddati oʻtgan debitor qarzdorliklar sanasi va miqdori;

debitor qarzdorliklar bilan ishlash boʻyicha kompaniyada qabul qilingan qoidalar;

debitor qarzdorliklar bilan ishlash uchun mas'ul shaxsni tayinlash toʻgʻrisida eksport qiluvchining buyrugʻi;

eksport shartnomasi va xalqaro shartnomalarga muvofiq xoʻjalik yurituvchi sub'ekt tomonidan koʻriladigan choralar;

debitor qarzdorliklarni undirish boʻyicha koʻrilgan choralar (sudgacha va sud ishlarini bajarish tartibi ijro ishlari, bankrotlik);

eksport shartnomasi taraflari tomonidan imzolangan yarashtirish dalolatnomasi (akti).

Tashqi savdo operatsiyalari monitoringini olib borish va nazorat qilish davlat soliq va bojxona xizmati organlari hamda tijorat banklari bilan oʻzaro axborot almashish asosida (shu jumladan, aloqa kanallari orqali elektron koʻrinishda) va Tashqi savdo operatsiyalarining yagona elektron axborot tizimi orqali olib boriladi.

Tijorat banklarining filiallari mijozlar tomonidan amalga oshirilgan quyida koʻrsatilgan har qanday alomatga ega boʻlgan valyuta operatsiyalari toʻgʻrisidagi axborotni tegishliligi boʻyicha hududiy davlat soliq boshqarmalariga yoki Yirik soliq toʻlovchilar boʻyicha hududlararo davlat soliq inspektsiyasiga har oyda, hisobot oyidan keyingi oyning 10-sanasiga qadar belgilangan shakllarda (shu jumladan, aloqa kanallari orqali elektron koʻrinishda) har hisobot oyi uchun alohida joʻnatadilar:

§   imtiyozli soliq rejimi beriladigan va (yoki) moliyaviy operatsiyalar amalga oshirilganda ma'lumotlarni oshkor etish va berishni nazarda tutmaydigan davlat yoki hududlarda (offshor hududlarda) roʻyxatdan oʻtgan norezidentlar foydasiga, shuningdek norezidentlarning offshor hududlarda joylashgan banklardagi hisobvaraqlariga shartnoma (kontrakt) boʻyicha tovarlar (ishlar, xizmatlar) importi yuzasidan toʻlov amalga oshirilishi;

§   rezidentlar tomonidan eksport-import shartnomalarida nazarda tutilgan majburiyatlarni bajarmaganliklari va etkazib berish yoki toʻlov muddatlariga rioya qilmaganliklari uchun kontragent-norezidentlarga jarima toʻlanishi;

§   import shartnomalari boʻyicha ishlarni bajarish yoki xizmatlar koʻrsatish, royalti boʻyicha toʻlov, shuningdek chet el ta'sischilariga dividendlarni oʻtkazib berish yoki foydani repatriatsiya qilish yuzasidan toʻlov amalga oshirilishi;

§   norezidentlarga ular yuridik shaxs — Oʻzbekiston Respublikasi rezidentlarining ustav kapitalidagi aktsiyalar, ulushlar (paylar) hamda Oʻzbekiston Respublikasi hududida joylashgan koʻchmas mulkni realizatsiya qilganliklari uchun toʻlovlar amalga oshirilishi;

§   rezident tomonidan kredit shartnomasi (qarz shartnomasi) boʻyicha norezident foydasiga (xalqaro moliya institutlari va chet el banklari tomonidan berilgan kredit (qarz)lardan tashqari) toʻlovlar amalga oshirilishi;

§   jismoniy shaxs — Oʻzbekiston Respublikasi rezidenti tomonidan jismoniy shaxslarning xorijdagi hisobvaragʻiga pul mablagʻlari oʻtkazmasi, agar bir kalendar yili davomida oʻtkazma summasining ekvivalenti yuz million soʻmdan ortiq boʻlsa;

§   chet eldan jismoniy shaxs — Oʻzbekiston Respublikasi rezidentining hisobvaragʻiga xorijiy yuridik shaxslardan pul mablagʻlarining kelib tushishi;

§   tashqi savdo shartnomalari boʻyicha vujudga kelgan muddati oʻtgan debitorlik qarzdorligi toʻgʻrisidagi ma'lumot.

Bosh tijorat banklari oʻzlarining filiallaridan kelib tushgan ma'lumotlarni umumlashtiradi va har oyda, hisobot oyidan keyingi oyning 15-sanasiga qadar, aloqa kanallari orqali yigʻma ma'lumotlarni elektron koʻrinishda belgilangan shakllarda Oʻzbekiston Respublikasi Davlat soliq qoʻmitasiga har hisobot oyi uchun alohida joʻnatadilar.

Davlat bojxona xizmati organlarining hududiy boshqarmalari har oyda, hisobot oyidan keyingi oyning 10-sanasiga qadar tegishliligi boʻyicha hududiy davlat soliq boshqarmalariga yoki Yirik soliq toʻlovchilar boʻyicha hududlararo davlat soliq inspektsiyasiga va Oʻzbekiston Respublikasi Davlat bojxona qoʻmitasiga quyidagi faktlar aniqlangan taqdirda ma'lumotni belgilangan shakllarda (shu jumladan, aloqa kanallari orqali elektron koʻrinishda) taqdim etadilar:

§   olib kirilayotgan (olib chiqilayotgan) tovarlarning bojxona rasmiylashtiruvida bojxona organiga tovarning faktura qiymatini eksport qiluvchi (import qiluvchi) mamlakatda tovarning ma'lum qilingan qiymatiga nisbatan asossiz ravishda oshirish (kamaytirish) maqsadida notoʻgʻri ma'lumotlar koʻrsatilgan hujjatlar taqdim etilganda (tasdiqlovchi hujjatlar hamda xulosa ilova qilingan holda);

§   shartnoma boʻyicha kontragent boʻlmagan tovar etkazib beruvchilar tomonidan tovar etkazib berilganlik faktlari aniqlanganda.

Oʻzbekiston Respublikasi Davlat bojxona qoʻmitasi har oyda, hisobot oyidan keyingi oyning 15-sanasiga qadar, koʻrsatilgan faktlar yuzasidan yigʻma ma'lumotni Oʻzbekiston Respublikasi Davlat soliq qoʻmitasiga belgilangan shakllarda aloqa kanallari orqali elektron koʻrinishda joʻnatadi.

Davlat soliq xizmati organlari tijorat banklari va davlat bojxona xizmati organlaridan olingan ma'lumotni elektron axborot bazalaridagi hamda soliq organlarida mavjud boshqa ma'lumotlar asosida monitoring qiladi.

Monitoring jarayonida valyuta operatsiyalarini amalga oshirish tartibi buzilganlik holatlari aniqlanganda, xoʻjalik yurituvchi sub'ektga valyuta operatsiyalarini amalga oshirish bilan bogʻliq hujjatlarni va axborotlarni taqdim etish yuzasidan yozma yoki elektron shaklda rasmiylashtirilgan soʻrovnoma yuboriladi.

Soʻrovnoma elektron hujjat tarzida soliq toʻlovchining shaxsiy kabinetiga yuboriladi. Yuborilgan hujjat oʻqib chiqilgandan keyin, lekin ushbu soʻrovnoma joʻnatilgan sanadan e'tiboran uch kundan kechiktirmay olingan deb hisoblanadi.

Agar xoʻjalik yurituvchi sub'ektning shaxsiy kabineti mavjud boʻlmasa, soʻrovnoma Davlat organlari va tashkilotlari tomonidan yoʻllanuvchi xat-xabarlarni etkazib berish, etkazilganligini tasdiqlash, ma'lumotlarni saqlash va hisobga olishning yagona milliy tizimidan foydalanilgan holda pochta aloqasi ob'ektlari tarmogʻi orqali yuboriladi hamda belgilangan nazorat muddatlarida etkazib berilgan hisoblanadi.

Soʻrovnomada koʻrsatib oʻtilgan hujjatlar va axborotlar soliq organiga soʻrovnoma olingan kundan e'tiboran besh ish kuni ichida taqdim etilishi lozim.

Davlat soliq xizmati organlari monitoring natijasida mablagʻlarning xorijga asossiz oʻtkazilishi yoki tovarlar qiymatini bojxona rasmiylashtiruvida asossiz ravishda oshirilishi (kamaytirilishi) holatlari bilan bogʻliq shubhali operatsiyalarni aniqlagan taqdirda tijorat banklari va boshqa davlat organlaridan ushbu operatsiyalarga oid qoʻshimcha ma'lumotlarni soʻrab olishga haqli.

Monitoringni amalga oshirish jarayonida huquqiy ta'sir choralari qoʻllanilmaydi va xoʻjalik yurituvchi sub'ektning faoliyati toʻxtatilmaydi.

Monitoring natijalari boʻyicha huquqbuzarlik faktlari sodir etilganligi tasdiqlanganda, davlat soliq xizmati organlari tomonidan oʻz vakolatlari doirasida qonunchilik hujjatlarida nazarda tutilgan choralar koʻriladi yoki qonunchilik hujjatlariga muvofiq tegishli choralar koʻrish uchun materiallar huquqni muhofaza qiluvchi organlarga yuboriladi.

Monitoring natijalari boʻyicha jinoiy faoliyatdan olingan daromadlarni legallashtirish, terrorizmni moliyalashtirish va ommaviy qirgʻin qurolini tarqatishni moliyalashtirish bilan bogʻliq holatlar aniqlangan taqdirda, davlat soliq xizmati organlari bu haqda uch kun muddat ichida Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamentiga yozma xabar beradi.

Shuningdek, tashqi savdo shartnomalari boʻyicha vujudga kelgan muddati oʻtgan debitorlik qarzdorligi toʻgʻrisidagi ma'lumot asosida:

Tashqi savdo kontraktlari boʻyicha aktivlar repatriatsiya qilinishini (chet eldan xorijiy valyutadagi mablagʻlar kelib tushishini yoki belgilangan bojxona rejimlarida tovarlar respublikaga olib kirilishi va rasmiylashtirilishini, ishlar bajarilishi va xizmatlar koʻrsatilishini yoki pul mablagʻlarining qaytarilishini) belgilangan muddatlar tugagandan keyin 30 bank ish kuni (kichik biznes va xususiy tadbirkorlik sub'ektlari uchun — 60 bank ish kuni) mobaynida ta'minlamagan xoʻjalik yurituvchi sub'ektlarga davlat soliq xizmati organi tomonidan jarima qoʻllash toʻgʻrisida talabnoma yuboriladi.

Talabnoma xoʻjalik yurituvchi sub'ekt yoki uning vakiliga olganligi va olingan sanani tasdiqlovchi usulda topshirilishi lozim, soliq toʻlovchining shaxsiy kabineti mavjud boʻlgan taqdirda, u orqali yuborilishi mumkin.

Davlat soliq xizmati organlari tomonidan talabnoma pochta orqali buyurtma xat bilan yuborilganda u joʻnatilgan kundan e'tiboran besh kun oʻtganidan soʻng topshirilgan, shaxsiy kabinet orqali yuborilganda esa keyingi ish kuni xoʻjalik yurituvchi sub'ekt tomonidan qabul qilib olingan kun deb hisoblanadi.

Talabnomada jarima summasi uni joʻnatish sanasidagi Oʻzbekiston Respublikasi Markaziy banki valyuta kursi boʻyicha soʻmda hisoblanadi.

Xoʻjalik yurituvchi sub'ekt davlat soliq xizmati organiga talabnoma olingan kundan e'tiboran oʻn kun muddatda tashqi savdo operatsiyalari boʻyicha muddati oʻtgan debitor qarzdorliklarning bartaraf etilganligi yoki jarima summasi ixtiyoriy ravishda toʻlab berilganligi haqidagi ma'lumot(lar)ni yozma yoki elektron shaklda tasdiqlovchi hujjatlarni ilova qilgan holda taqdim etishi shart.

Xoʻjalik yurituvchi sub'ekt tomonidan talabnomaga asosan jarima summasi ixtiyoriy ravishda toʻlangan kundan 90 kun ichida tashqi savdo kontraktlari boʻyicha valyuta mablagʻlarining tushishi yoki tovarlarning respublikaga olib kirilishi hamda «erkin muomalaga chiqarish (import)» bojxona rejimida rasmiylashtirilishi, ishlar bajarilishi va xizmatlar koʻrsatilishi ta'minlangan taqdirda, toʻlangan jarima summasi qisqartirilishi ta'minlangan qarzdorlik miqdoriga mutanosib ravishda qaytarib beriladi.

Xoʻjalik yurituvchi sub'ekt tomonidan tashqi savdo operatsiyalari boʻyicha muddati oʻtgan debitor qarzdorliklar ixtiyoriy ravishda toʻlab berilmagan yoxud toʻlashni rad etgan taqdirda, davlat soliq xizmati organi jarima qoʻllash haqidagi ariza bilan sudga murojaat qiladi.

Ariza kiritish sanasida xorijiy valyuta kursi oʻzgargan taqdirda, talabnomada koʻrsatilgan summa qayta hisob-kitob qilinmaydi.

Arizada koʻrsatilgan tashqi savdo kontraktlari boʻyicha valyuta mablagʻlarining tushishi yoki tovarlarning respublikaga olib kirilishi hamda «erkin muomalaga chiqarish (import)» bojxona rejimida rasmiylashtirilishi, ishlar bajarilishi va xizmatlar koʻrsatilishi ta'minlangan taqdirda:

jarima qoʻllash masalasi sudda koʻrib chiqilayotgan paytda — arizani qanoatlantirish qisqartirilishi ta'minlangan qarzdorlik miqdoriga mutanosib ravishda rad etiladi;

sud hujjati qonuniy kuchga kirmagan vaqtda — ijroga qaratilmaydi.

Moliyaviy jarima qoʻllash toʻgʻrisidagi sud hujjati qonuniy kuchga kirgandan soʻng 90 kalendar kun ichida va uni shu muddat ichida ijro etish paytida arizada koʻrsatilgan tashqi savdo kontraktlari boʻyicha toʻliq miqdorda valyuta mablagʻlarining tushishi yoki tovarlarning respublikaga olib kirilishi hamda «erkin muomalaga chiqarish (import)» bojxona rejimida rasmiylashtirilishi, ishlar bajarilishi va xizmatlar koʻrsatilishi ta'minlangan taqdirda — ish yuritish tugatiladi va majburiy undirish boʻyicha koʻrilgan barcha choralar bekor qilinadi (davlat soliq xizmati organlari va Oʻzbekiston Respublikasi Bosh prokuraturasi huzuridagi Majburiy ijro byurosi tomonidan), shuningdek, undirilgan jarimalar xoʻjalik yurituvchi sub'ektning arizasi asosida bank hisobvaragʻiga qaytarib beriladi.

Bunda undirilgan mablagʻlar:

- undirilgan jarimalar xoʻjalik yurituvchi sub'ektning arizasi asosida bank hisobvaragʻiga qaytarib beriladi. Bunda undirilgan mablagʻlar:

- Oʻzbekiston Respublikasi Bosh prokuraturasi huzuridagi Majburiy ijro byurosi depozit hisobvaragʻida saqlanayotgan boʻlsa, Majburiy ijro byurosi tomonidan;

talabnomaga asosan jarima ixtiyoriy ravishda toʻlangan yoki moliyaviy jarima qoʻllash toʻgʻrisidagi sud hujjati qonuniy kuchga kirgandan soʻng 90 kalendar kun ichida tushgan valyuta mablagʻlari yoki respublikaga olib kirilgan hamda «erkin muomalaga chiqarish (import)» bojxona rejimida rasmiylashtirilgan tovar, bajarilgan ishlar va koʻrsatilgan xizmatlar summasi talabnomada koʻrsatilgan valyuta kursi boʻyicha soʻmda hisob-kitob qilinadi;

Jarima qoʻllanilgandan keyin tushgan valyuta mablagʻlari yoki respublikaga olib kirilgan hamda «erkin muomalaga chiqarish (import)» bojxona rejimida rasmiylashtirilgan tovar, bajarilgan ishlar va koʻrsatilgan xizmatlar summasi talabnomada koʻrsatilgan valyuta kursi boʻyicha soʻmda hisob-kitob qilinadi.

Sudning hal qiluv qarori qonuniy kuchga kirgandan soʻng davlat soliq xizmati organi xoʻjalik yurituvchi sub'ektning shaxsiy varaqasida qoʻllanilgan jarima summasini hisobga oladi.

Hisobga olingan jarima summasi soliq qarzi sifatida e'tirof etilib, belgilangan tartibda majburiy undiruv choralari koʻriladi.